وزیرِ دفاع سیالکوٹ ٹینری زون اچ واٹر ٹریٹمنٹ پلانٹ دا افتتاح کرݙتا

سیالکوٹ۔ 06 جون (اے پی پی) وزیرِدفاع خواجہ محمد آصف سیالکوٹ ٹینری زون اچ واٹر ٹریٹمنٹ پلانٹ دا افتتاح کر ݙتا۔ افتتاحی تقریب نال خطاب کریندے انھاں آکھیا جو سیالکوٹ دا مقام ملکی تے بین الاقوامی طور تے ابھارݨ دا کریڈٹ سیالکوٹ دی بزنس کمیونٹی کوں ویندے جیئیں تاریخی کامیابی حاصل کیتی اے۔ انھاں آکھیا جو سیالکوٹ چیمبر 1986ء اچ بݨیا تے تݙاں توں مسلسل نمایاں مقام حاصل کیتے۔ خواجہ محمد آصف آکھیا جو جیڑھی عزت ایں شہر بخشی اے ایں دی ادائیگی ایہو جیھے منصوبیں نال کریندے پیوں۔انھاں آکھیا جو سیالکوٹ چیمبر دے حصے اچ ڈرائی پورٹ، ایئر سیال تے ٻہوں ساریاں کامیابیاں ہن، شہر دا جغرافیہ چھوٹا اے پر ایں دا اثر پوری دنیا اچ اے۔ وزیرِ دفاع آکھیا جو سیالکوٹ دا فٹ پرنٹ پوری دنیا اچ نظر آندے، ایں دی ٹیکنالوجی پوری دنیا اچ تسلیم کیتی ویندی اے۔ انھاں دا آکھݨ ہائی جو حکومت لیڈنگ ایکسپورٹرز کوں تمغے ݙتن، انھاں دیاں خدمات کوں تسلیم کیتے، اڄ ہک سنگِ میل عبور کریندے پیوں۔ انھاں آکھیا جو جݙاں وی ٻہوں وݙی تبدیلی گھن آئی ونڄے تاں ابتدا اچ مخالفت تھیندی اے، نویاں اصلاحات گھن آوݨ اچ مزاحمت دا سامݨا کرنا پوندے لیکن کہیں چیز دی بنیاد رکھݨ آلیں کوں صدیاں تئیں یاد رکھیا ویندے۔ خواجہ محمد آصف سیالکوٹ دے شائننگ سٹارز کوں خراجِ تحسین پیش کریندے آکھیا جو اپݨے کاروبار دے معیار کوں جتنا بہتر کرسڳدو کرو، سیالکوٹ دے لیڈر تے ایں دیاں مصنوعات دی پوری دنیا اچ منگ اے، فیشن انڈسٹری اچ جاہ بݨاوݨ کیتے ویلیو ایڈڈ پراڈکٹس بݨاؤ