اسلام آباد۔ 6 جون (اے پی پی) صدرِ مملکت آصف علی زرداری سویڈن دے قومی ݙینھ دے موقع تے اتھاں دی حکومت تے عوام کوں دلی مبارخ پیش کیتی اے، انھاں آکھیا جو پاکستان سویڈن دے نال اپݨے پراݨے تے دوستانہ تعلقات کوں ٻہوں اہمیت ݙیندے، 1949ء اچ قائم تھیوݨ آلے اے تعلقات سانجھے احترام، بین الاقوامی امن تے تعاون دے مشترکہ عزم دی تکڑی بنیاداں تے استوار ہن۔ ایوانِ …
صدرِ مملکت دی سویڈن دے قومی ݙینھ دے موقع تے اتھاں دی حکومت تے عوام کوں مبارخ
اسلام آباد۔ 6 جون (اے پی پی) صدرِ مملکت آصف علی زرداری سویڈن دے قومی ݙینھ دے موقع تے اتھاں دی حکومت تے عوام کوں دلی مبارخ پیش کیتی اے، انھاں آکھیا جو پاکستان سویڈن دے نال اپݨے پراݨے تے دوستانہ تعلقات کوں ٻہوں اہمیت ݙیندے، 1949ء اچ قائم تھیوݨ آلے اے تعلقات سانجھے احترام، بین الاقوامی امن تے تعاون دے مشترکہ عزم دی تکڑی بنیاداں تے استوار ہن۔ ایوانِ صدر دے پریس ونگ توں جاری بیان موجب صدرِ مملکت ݙوطرفہ تعلقات اچ مسلسل پیشرفت تے اطمینان دا اظہار کریندے آکھیا جو قابلِ تجدید توانائی، ٹیکنالوجی، ٹیلی کمیونیکیشن، ٹیکسٹائل تے زراعت دے شعبیں اچ تعاون اچ چنڳاں ودھارا تھئے ݙاں جو ݙوہیں ملکاں وچال تجارتی حجم کوں ٻیا ودھاوݨ دے وسیع امکانات موجود ہن۔ انھاں آوݨ آلے سالاں اچ انھاں سانجھے مفید تعلقات کوں مزید تکڑا بݨاوݨ تے وسعت ݙیوݨ کیتے پاکستان دے عزم دا اعادہ وی کیتا
