9 توں 12 جون دے دوران ملک دے کئی میدانی علاقیاں اچ درجہ حرارت اچ ودھارا تھی سڳدے، محکمہ موسمیات

اسلام آباد۔ 8 جون (اے پی پی) محکمہ موسمیات انتباہ جاری کیتے جو 9 توں 12 جون دے دوران ملک دے بیشتر میدانی علاقیاں اچ درجہ حرارت اچ بتدریج اضافہ متوقع اے۔ ملک دے بالائی علاقیاں اچ ݙینھ دا درجہ حرارت معمول توں 4 توں 6 ڈگری سینٹی گریڈ جڈانجو زیریں علاقیاں اچ درجہ حرارت معمول توں 5 توں 7 ڈگری سینٹی گریڈ ودھ رہݨ دا امکان اے۔ محکمہ موسمیات دے مطابق موجودہ صورتحال دے پیشِ نظر شمالی بلوچستان تے ایندے نال جڑے علاقیاں تے موسمی گھٹ دباؤ (سیزنل لو) موجود اے جڈانجو ملک دے بالائی فضائی حصیاں اچ ہک ہائی پریشر سسٹم موجود اے جیڑھا آندے 24 توں 48 گھنٹیاں دے دوران ٻئی شدت اختیار کریسی جئیں پاروں ݙینھ دے درجہ حرارت اچ بتدریج اضافہ متوقع اے۔ ایں ویلھےملک اچ کوئی نمایاں مرطوب ہوائیں داخل نئی تھیندی پئی۔ کل (منگل کوں) ملک دے بیشتر علاقیاں اچ موسم گرم تے رُکھا جڈانجو میدانی اضلاع اچ شدید گرم رہݨ دا امکان اے۔ گزریل 24 گھنٹیاں اچ ملک دے بیشتر علاقیاں اچ موسم گرم تے رُکھا جڈانجو میدانی علاقیاں اچ شدید گرم رہیا، تاہم دیر اچ بارش تھئی۔  سنوار کوں ریکارڈ کیتے ڳئے ودھ توں ودھ درجہ حرارت: سبی 49، دادو، جیکب آباد 48، تربت تے موہنجوداڑو اچ 47 ڈگری سینٹی گریڈ ریکارڈ کیتا ڳیا۔