کراچی۔30جولائی (اے پی پی) صدرِ مملکت آصف علی زرداری نال وفاقی وزیرِ داخلہ سید محسن نقوی اتھاں ملاقات کیتی جئیں اچ ملک دی مجموعی امن و امان دی صورتحال خصوصاً خیبر پختونخوا تے بلوچستان دی سکیورٹی صورتحال تے تفصیلی ڳالھ کیتی ڳئی۔خمیس کوں ایوانِ صدر دے پریس ونگ دے مطابق وزیرِ داخلہ صدرِ مملکت کوں خیبر پختونخوا تے بلوچستان اچ امن و امان دی موجودہ صورتحال تے دہشت گردی دے …
صدرِ مملکت نال وفاقی وزیرِ داخلہ دی ملاقات، خیبر پختونخوا تے بلوچستان دی سکیورٹی صورتحال تے تفصیلی ڳالھ مہاڑ
کراچی۔30جولائی (اے پی پی) صدرِ مملکت آصف علی زرداری نال وفاقی وزیرِ داخلہ سید محسن نقوی اتھاں ملاقات کیتی جئیں اچ ملک دی مجموعی امن و امان دی صورتحال خصوصاً خیبر پختونخوا تے بلوچستان دی سکیورٹی صورتحال تے تفصیلی ڳالھ کیتی ڳئی۔خمیس کوں ایوانِ صدر دے پریس ونگ دے مطابق وزیرِ داخلہ صدرِ مملکت کوں خیبر پختونخوا تے بلوچستان اچ امن و امان دی موجودہ صورتحال تے دہشت گردی دے خلاف جاری اقدامات تے بریفنگ ݙتی۔ صدر آصف علی زرداری دہشت گردی دے خلاف پاک افواج، قانون نافذ کرݨ آلے اداریاں تے پولیس دی بہادری، پیشہ ورانہ صلاحیتاں تے قربانیاں کوں خراجِ تحسین پیش کیتا۔ انھاں آکھیا جو دہشت گردی دے خاتمے تے ملک اچ پائیدار امن دے قیام کیتے پوری قوم آپݨی سکیورٹی فورسز دے نال کھڑی اے۔ملاقات دے دوران ملک دی اڄوکی سیاسی صورتحال تے وی تفصیلی ڳالھ مہاڑ کیتی ڳئی۔
