لاہور: رہائشی مکان دی چھت ڈہݨ نال 9 بندے جاں بحق، کئی زخمی

لاہور۔30جولائی (اے پی پی) لاہور دے علاقے سکھ نہر دے قریب رہائشی مکان دی چھت ڈہݨ نال 9 بندے جاں بحق اتے کئی زخمی تھی ڳئن۔ ریسکیو 1122 دے مطابق اطلاع ملدیں ای امدادی ٹیماں فوری طور تے جائے وقوعہ تے پڄ ڳئیاں۔ ریسکیو آپریشن اچ 10 ایمرجنسی گاݙیاں تے 40 توں زائد ریسکیورز حصہ ڳھدا، اربن سرچ اینڈ ریسکیو ٹیم ملبے تلے دبے افراد کوں نکالݨ کیتے بھرپور کارروائی کیتی۔ ریسکیو حکام دے مطابق ابتدائی آپریشن دے دوران 7 افراد کوں زندہ ملبے توں کݙھیا ڳیا اتے انھاں کوں ابتدائی طبی امداد فراہم کرݨ دے بعد قریبی ہسپتال منتقل کیتا ڳیا۔ بعد اچ 6 بندیاں دی لاشاں موقع توں کڈھی ڳئی جڈانجو 2 خواتین سروسز ہسپتال اچ دورانِ علاج دم توڑ ڳئی جئیں دے بعد جاں بحق افراد دی تعداد 8 تھی ڳئی۔ جاں بحق تھیوݨ آلے افراد اچ 60 سالہ شاہدہ، 52 سالہ ثمینہ، 50 سالہ شاہد، 44 سالہ صابر، 25 سالہ مجاہد، 14 سالہ سحر تے 7 سالہ حماد شامل ہن جڈانجو زخمیاں اچ 19 سالہ ثانیہ، 23 سالہ ناصر تے 35 سالہ زاہد شامل ہن۔ زخمیاں کوں طبی امداد کیتے مختلف ہسپتالاں اچ منتقل کر ݙتا ڳئے۔ ریسکیو ذرائع دے مطابق ملبے تلے دبی ہک بزرگ خاتون کوں کڈھݨ کیتے ریسکیو آپریشن جاری اے۔