وفاقی وزیرِ داخلہ دی کیچ اچ فتنہ الہندوستان دے دہشت گرداں دی طرفوں 6 مزدوراں کوں شہید کرݨ دے واقعے دی مذمت

اسلام آباد۔30جولائی (اے پی پی) وفاقی وزیرِ داخلہ محسن نقوی بلوچستان دے علاقے کیچ اچ فتنہ الہندوستان دے دہشت گرداں دی طرفوں 6 مزدوراں کوں شہید کرݨ دے واقعے دی پرزورمذمت کریندیں آکھیا جو دہشت گرداں بے گناہ مزدوراں کوں شہید کرتے بدترین سفاکیت دا مظاہرہ کیتا۔ہک بیان اچ وزیرِ داخلہ ݙُکھی خانداناں نال دلی ہمدردی تے تعزیت کیتی۔ انھاں آکھیا جو دہشت گرد مزدوراں کوں نشانہ بݨا تے نہ صرف نشوم جاناں کھس ڳھدن بلکہ بلوچستان دی ترقی تے عوام دے روزگار تے وی حملہ کیتے، فتنہ الہندوستان دے دہشت گرد ہݨ نشوم نہتے شہریاں کوں نشانہ بݨیندے پئن جیں دی جتنی وی مذمت کیتی ونڄے گھٹ اے۔انھاں آکھیا جو 6 غیر مقامی مزدوراں کوں بیدردی نال شہید کرݨ آلے درندے کہیں رعایت دے مستحق کائنی، اساݙیاں ساریاں ہمدردیاں شہدا دے لواحقین نال ہن۔ انھاں دا آکھݨ ہئی جو ݙکھے ویلھے شہدا دے لواحقین نال کھڑوں۔