اسلام آباد۔30جولائی(اے پی پی)پاکستان خلیجی خطے اچ کشیدگی گھٹاوݨ کیتے امریکہ اتے ایران کوں ہک واری ول مذکرات دی میز تے ڳھن آوݨ دی پوری کوشش اچ اے، ترجمان دفتر خارجہ آکھیے جو ڳالھ مہاڑ نال ہی کشیدگی مک سڳدی اے، فریقین ودھ توں ودھ تحمل ݙکھاون۔ دفترِ خارجہ دے ترجمان طاہر حسین اندرابی ہفتہ وار پریس بریفنگ اچ آکھیے جو خطے اچ کشیدگی مکاوݨ دا ہکو رستہ صرف مذاکرات …
پاکستان امریکہ اتے ایران کوں ولا مذکرات تے ڳھن آوݨ کیتے سرگرم، فریقین تحمل ݙکھاون، ترجمان دفترِ خارجہ
اسلام آباد۔30جولائی(اے پی پی)پاکستان خلیجی خطے اچ کشیدگی گھٹاوݨ کیتے امریکہ اتے ایران کوں ہک واری ول مذکرات دی میز تے ڳھن آوݨ دی پوری کوشش اچ اے، ترجمان دفتر خارجہ آکھیے جو ڳالھ مہاڑ نال ہی کشیدگی مک سڳدی اے، فریقین ودھ توں ودھ تحمل ݙکھاون۔ دفترِ خارجہ دے ترجمان طاہر حسین اندرابی ہفتہ وار پریس بریفنگ اچ آکھیے جو خطے اچ کشیدگی مکاوݨ دا ہکو رستہ صرف مذاکرات ہین، فریقین کوں ولا اسلام آباد مفاہمتی یادداشت دو ڳھن آوݨ دی پوری کوشش اے شرط اے ہے جو فریقین تحمل ݙکھاون۔ ترجمان کویت دے وزیرِ خارجہ شیخ جراح جابر الاحمد الصباح دے دورے کوں ݙوطرفہ تجارت، سرمایہ کاری اتے دفاعی تعاون ودھاوݨ کیتے اہم قرار ݙتے اتے کویت ولوں پاکستان-کویت دفاعی تعاون دے معاہدے دی توثیق دا خیرمقدم کیتے۔ ترجمان ڈوئچے ویلے (ڈی ڈبلیو) ولوں پاکستان دے جوہری پروگرام تے نشر کیتی ڳئی حالیہ دستاویزی فلم کوں سختی نال مسترد کریندے آکھیے جو پاکستان کوں اپݨے مضبوط کمانڈ اینڈ کنٹرول نظام تے مکمل اعتماد اے جیڑھا اعلیٰ ترین بین الاقوامی معیارات دے مطابق اے۔ ترجمان آکھیے جو پاکستان 2026ء توں 2027ء تک شنگھائی تعاون تنظیم (ایس سی او) دی چیئرمین شپ سنبھلیسی، ایں سانڳے آندے سال ایس سی او وزرائے خارجہ کانفرنس ڄݙاں جو 2027ء اچ ایس سی او سربراہانِ مملکت دا سربراہی اجلاس وی پاکستان اچ تھیسی۔
