مادرِ ملت فاطمہ جناح دا 133واں یومِ پیدائش، صدرِ مملکت ولوں عظیم رہنما کوں خراجِ عقیدت پیش

اسلام آباد۔31جولائی (اے پی پی) صدرِ مملکت آصف علی زرداری مادرِ ملت محترمہ فاطمہ جناح کوں انھاں دے 133ویں یومِ پیدائش تے شاندار الفاظ اچ خراجِ عقیدت پیش کیتے۔ جمعے کوں ایوانِ صدر دے پریس ونگ دے مطابق صدرِ مملکت ایں موقع تے آپݨے سنیھے اچ آکھیا جو مادرِ ملت محترمہ فاطمہ جناح قائدِ اعظم محمد علی جناح دی بااعتماد رفیقِ کار، تحریکِ پاکستان دی ممتاز رہنما تے جمہوری اقدار دی توانا علمبردار ہن۔ انھاں آکھیا جو مادرِ ملت خواتین کوں قومی زندگی تے تحریکِ آزادی اچ موثر کردار ادا کرݨ دی ترغیب ݙتی، انھاں دی جدوجہد اج وی قوم کیتے مشعلِ راہ اے۔ صدرِ مملکت آکھیا جو قوم مادرِ ملت محترمہ فاطمہ جناح دی قومی، جمہوری تے سماجی خدمات کوں ہمیشہ قدر تے احترام نال یاد رکھیسی۔ انھاں دعا کیتی جو اللہ تعالیٰ مادرِ ملت محترمہ فاطمہ جناح کوں آپݨے جوارِ رحمت اچ اعلیٰ مقام عطا فرماوے۔