اسلام آباد۔31جولائی (اے پی پی) وفاقی وزیرِ پٹرولیم علی پرویز ملک نال سبکدوش تھئیوݨ آلے آذربائیجان دے سفیر خضر فرہادوف الوداعی ملاقات کیتی جیں اچ ݙو طرفہ شراکت داری کوں مزید تکڑا بݨاوݨ تے نویں سنگِ میل عبور کرݨ دے عزم دا اعادہ کیتا ڳیا۔ترجمان پٹرولیم ڈویژن موجب ملاقات اچ وفاقی وزیر پاکستان تے آذربائیجان وچال مضبوط شراکت داری دے ودھارے اچ سفیر خضر فرہادوف دی خدمات دی تعریف کیتی …
وفاقی وزیرِ پٹرولیم علی پرویز ملک نال آذربائیجان دے سفیر خضر فرہادوف دی الوداعی ملاقات
اسلام آباد۔31جولائی (اے پی پی) وفاقی وزیرِ پٹرولیم علی پرویز ملک نال سبکدوش تھئیوݨ آلے آذربائیجان دے سفیر خضر فرہادوف الوداعی ملاقات کیتی جیں اچ ݙو طرفہ شراکت داری کوں مزید تکڑا بݨاوݨ تے نویں سنگِ میل عبور کرݨ دے عزم دا اعادہ کیتا ڳیا۔ترجمان پٹرولیم ڈویژن موجب ملاقات اچ وفاقی وزیر پاکستان تے آذربائیجان وچال مضبوط شراکت داری دے ودھارے اچ سفیر خضر فرہادوف دی خدمات دی تعریف کیتی ۔ علی پرویز ملک آکھیا جو پاکستانی کمپنیاں تے سوکار وچال توانائی دے شعبے اچ تعاون اچ ودھارا تھئے ۔وفاقی وزیر آذربائیجان دے نال بالخصوص پٹرولیم تے توانائی دے شعبیں اچ تعاون کوں مزید وسعت ݙیوݨ کیتے پاکستان دے عزم دا اعادہ کریندیں آکھیا جو ݙوہیں ملک مضبوط اقتصادی رابطے استوار کرݨ تے آندے نسلاں کیتے فیدہ مند موقع پیدا کرݨ دے مشترکہ وژن دے تحت کم کریندے پئن۔ایں موقع تے سفیر خضر فرہادوف اپݨے دورِ تعیناتی دے دوران تعاون تے مہمان نوازی تے حکومتِ پاکستان دا شکریہ ادا کیتا۔ ملاقات اچ ایں اعتماد دا اظہار کیتا ڳیا جو پاکستان تے آذربائیجان وچال نیڑے شراکت داری آندے سالاں اچ مزید مستحکم تھیسی تے ݙو طرفہ تعاون ودھسی تے سانجھا تعاون نویں سنگِ میل پار کریسی۔
