پاکستان تے چین دی دوستی بدلدے ہوئے علاقائی تے عالمی چیلنجاں دے باوجود مضبوطی نال قائم اے، فیلڈ مارشل سید عاصم منیر

راولپنڈی۔1اگست (اے پی پی) فیلڈ مارشل سید عاصم منیر پاکستان تے چین دے مضبوط تعلقات کوں اجاگر کریندیں ہوئیں آکھیا جو ݙوہائیں ملکاں دی دوستی منفرد، وقت دی کسوٹی تے پرکھی ہوئی تے بدلدے ہوئے علاقائی تے عالمی چیلنجاں دے باوجود مضبوطی نال قائم اے۔ ہفتہ کوں آئی ایس پی آر دی جانب توں جاری پریس ریلیز دے مطابق چین دی عوامی جمہوریہ دی پیپلز لبریشن آرمی (پی ایل اے) دے قیام دی 99ویں سالگرہ جنرل ہیڈکوارٹرز (جی ایچ کیو) راولپنڈی اچ منائی ڳئی۔ چین دے پاکستان اچ سفیر جیانگ زائی ڈونگ ایں موقع تے مہمانِ خصوصی ہن۔ چین دے دفاعی اتاشی میجر جنرل وانگ ژونگ، چینی سفارت خانے دے عہدیداراں اتے پاکستان دی سہ فوجی افواج دے سینئر افسراں وی تقریب اچ شریک تھئیاں۔ فیلڈ مارشل سید عاصم منیر، این آئی (ایم)، ایچ جے، چیف آف آرمی اسٹاف تے چیف آف ڈیفنس فورسز معزز مہماناں دا گرم جوشی نال استقبال کیتا اتے پی ایل اے کوں ایں دی 99ویں سالگرہ تے مبارکباد ݙتی۔ انھاں چین دے دفاع، قومی ترقی تے بین الاقوامی امن و سلامتی اچ پی ایل اے دی نمایاں خدمات کوں خراجِ تحسین پیش کیتا۔ پاکستان تے چین دے تعلقات دی پائیدار مضبوطی کوں اجاگر کریندیں ہوئیں فیلڈ مارشل آکھیا جو ݙوہائیں ملکاں دی دوستی منفرد، وقت دی کسوٹی تے پرکھی ہوئی اے دتے بدلدے ہوئے علاقائی تے عالمی چیلنجاں دے باوجود مضبوطی نال قائم اے۔ انھاں ایں بات دی ولا تصدیق کیتی جو پاک فوج تے پی ایل اے حقیقی شراکت دار ہن، جو آپسی اعتماد، غیر متزلزل حمایت تے علاقائی امن، استحکام تے مشترکہ اسٹریٹجک مفادات دے تحفظ دے عزم نال جڑے ہوئن۔ ایں موقع تے تقریب نال خطاب کریندیں ہوئیں سفیر جیانگ زائی ڈونگ فیلڈ مارشل دا ایں یادگاری تقریب دی میزبانی تے خلوصِ دل نال شکریہ ادا کیتا۔ انھاں دہشت گردی دے خلاف جنگ اچ پاک فوج دی اہم خدمات تے قربانیاں دا اعتراف کیتا اتے پاکستان کیتے چین دی غیر متزلزل حمایت تے ݙوہائیں ملکاں وچال ہر موسم اچ آزمودہ تذویراتی شراکت داری کوں ٻیا مستحکم کرݨ دے پائیدار عزم دا اعادہ کیتا۔