آئی ایس پی آر ولوں ملک بھر دے طلبا تے طالبات کیتے سمر انٹرن شپ پروگرام 2026 دا انعقاد

راولپنڈی۔1اگست (اے پی پی) آئی ایس پی آر دے زیراہتمام ملک بھر دے طلبا تے طالبات کیتے سمر انٹرن شپ پروگرام 2026 دا انعقاد کیتا ڳیا۔ سمر انٹرنشپ 2026 اچ پاکستان بھر دے 21 اسٹیشناں توں 6 ہزار 150 توں زائد طلبا و طالبات شریک تھئیاں۔ تجزیہ نگار تے سکالر احمد حسن العربی دی آئی ایس پی آر سمر انٹرن شپ دے شرکا نال خصوصی نشست تھئی۔ پاکستان دی نظریاتی اساس، فتنہ الہندوستان، فتنہ الخوارج دی دہشت گردی، بلوچستان دی صورتحال سمیت گورننس اصلاحات تے تفصیلی ڳالھ کیتی۔ تجزیہ نگار و سکالر احمد حسن العربی شرکا نال ڳالھ مہاڑ کریندیں ہوئیں آکھیا جو قائد اعظمؒ دے مطابق پاکستان دا نظامِ حکومت اسلام دے اصولِ عدل، قانون دی بالادستی تے رحمت تے مبنی اے، پاکستان اچ تھیوݨ آلے دہشت گردی دے اکثر واقعات دے تانے بانے بھارت تے افغانستان نال ونڄ ملدن۔ احمد حسن العربی آکھیا جو فتنہ الہندوستان دا بلوچستان اچ انفراسٹرکچر تے مزدوراں تے حملیاں دا مقصد ترقیاتی منصوبے سبوتاژ کرݨ تے خوف کھنڈاوݨ اے۔ انھاں آکھیا جو بلوچستان دے مسائل دا پائیدار حل عسکری کارروائیاں دے نال ترقی، بہتر گورننس تے نویں انتظامی یونٹاں دے قیام اچ مضمر اے۔ احمد حسن العربی آکھیا جو دہشت گردی دے مکمل خاتمے تے پائیدار امن کیتے سیکیورٹی آپریشنز دے نال نال جدید گورننس تے انتظامی اصلاحات ناگزیر ہن۔ آئی ایس پی آر دا سمر انٹرن شپ پروگرام نوجواناں دی صلاحیتاں نکھارݨ تے قومی شعور دی بیداری کیتے ہک اہم پیشرفت اے۔