لاہور۔1اگست (اے پی پی) وزیراعظم محمد شہباز شریف رکنِ قومی اسمبلی ملک اقبال چنڑ دے انتقال تے ݙکھ تے افسوس دا اظہار کیتے۔ ہفتہ کوں وزیراعظم آفس دے میڈیا ونگ دی طرفوں جاری بیان دے مطابق آپݨے تعزیتی سنیھے اچ وزیراعظم محمد شہباز شریف مرحوم دی سیاسی، سماجی تے عوامی خدمات کوں خراجِ عقیدت پیش کریندیں ہوئیں آکھیا جو ملک اقبال چنڑ ہک مخلص عوامی رہنما، پاکستان مسلم لیگ (ن) …
وزیراعظم محمد شہباز شریف دا رکنِ قومی اسمبلی ملک اقبال چنڑ دے انتقال تے افسوس
مزید خبراں
لاہور۔1اگست (اے پی پی) وزیراعظم محمد شہباز شریف رکنِ قومی اسمبلی ملک اقبال چنڑ دے انتقال تے ݙکھ تے افسوس دا اظہار کیتے۔ ہفتہ کوں وزیراعظم آفس دے میڈیا ونگ دی طرفوں جاری بیان دے مطابق آپݨے تعزیتی سنیھے اچ وزیراعظم محمد شہباز شریف مرحوم دی سیاسی، سماجی تے عوامی خدمات کوں خراجِ عقیدت پیش کریندیں ہوئیں آکھیا جو ملک اقبال چنڑ ہک مخلص عوامی رہنما، پاکستان مسلم لیگ (ن) دے ہک مخلص تے نظریاتی کارکن تے قائد محمد نواز شریف دے سچے تے وفادار ساتھی ہن، میکوں انھاں کوں ذاتی طور تے جاݨݨ تے کئی مواقع تے پنجاب اچ آپݨی کابینہ اچ انھاں نال کم کرݨ دا موقع ملیا۔ وزیراعظم مرحوم دے صاحبزادے، ڈپٹی سپیکر پنجاب اسمبلی ملک ظہیر اقبال چنڑ تے سوگوار خاندان تے اہل خانہ نال دلی تعزیت تے ہمدردی دا اظہار کریندیں ہوئیں آکھیا جو مرحوم اقبال چنڑ ہمیشہ خلوص، دیانت تے عوامی خدمت دے جذبے دے نال آپݨی ذمہ واریاں انجام ݙتی، انھاں دی وفاداری، خدمات تے وابستگی کوں ہمیشہ قدر دی نگاہ نال ݙٹھا ویسے۔ انھاں مرحوم دی مغفرت تے اہل خانہ کیتے صبر دی دعا وی کیتی۔
