ڈی جی آئی ایس پی آر دی سمر انٹرن شپ 2026 اچ طلبہ تے طالبات دے نال خصوصی نشست

راولپنڈی۔ 2 اگست (اے پی پی) ڈی جی آئی ایس پی آر سمر انٹرن شپ 2026 اچ طلبہ و طالبات دے نال خصوصی نشست دے دوران قومی سلامتی، دہشت گردی تے سوشل میڈیا دے ذمہ دارانہ استعمال تے تفصیلی گفتگو کیتی۔ آئی ایس پی آر سمر انٹرن شپ 2026 اچ پاکستان بھر دے 21 مختلف سٹیشناں تے 6 ہزار توں زائد طلبہ شریک تھیندے پئن۔ ڈی جی آئی ایس پی آر خصوصی سیشن دے دوران طلبہ دے سوالاں دے مدلل تے مفصل جوابات ݙتے۔ آئی ایس پی آر سمر انٹرن شپ 2026 اچ شریک طلبہ و طالبات دا آکھݨ ہئی جو مس انفارمیشن، ڈس انفارمیشن، پروپیگنڈا تے غیر مصدقہ خبراں توں بچاوݨ دے حوالے نال موثر رہنمائی فراہم کیتی ڳئی، ڈی جی آئی ایس پی آر دی جامع تے معلوماتی گفتگو قومی سلامتی نال متعلق متعدد غلط فہمیاں تے ابہام کوں دور کیتا۔ شرکا آکھیا جو آزاد کشمیر دی صورتحال، بھارتی پروپیگنڈا تے پاکستان دے موقف تے تفصیلی بریفنگ زمینی حقائق کوں سمجھݨ اچ مدد ݙتی، فتنہ الہندوستان تے فتنہ الخوارج نال متعلق ڈی جی آئی ایس پی آر دے حقائق تے مبنی موقف تمام تر ابہام کوں ختم کر ݙتے۔ سمر انٹرن شپ 2026 دے شرکا درست معلومات دے فروغ تے ملک دشمن پروپیگنڈے دا موثر مقابلہ کرݨ دے عزم دا اظہار کیتا۔