اسلام آباد۔ 2 اگست (اے پی پی) وفاقی وزیر برائے امورِ کشمیر، گلگت بلتستان تے سیفران انجینئر امیر مقام ساری جماعتاں توں مطالبہ کیتے جو او جمہوری عمل کوں پرامن طریقے نال اگوں ودھݨ ݙیون اتے ووٹرانہاں کوں بیلٹ باکس دے ذریعے نتیجے دا فیصلہ کرݨ ݙیون۔ اسلام آباد اچ میڈیا نال ڳالھ مہاڑ کریندیں ہوئیں انجینئر امیر مقام آکھیا جو سیاسی جماعتاں کوں الزامات لاوݨ دے بجائے عوامی اعتماد …
سیاسی جماعتاں جمہوری عمل کوں پرامن طریقے نال اڳوں ودھݨ ݙیون، انجینئر امیر مقام
اسلام آباد۔ 2 اگست (اے پی پی) وفاقی وزیر برائے امورِ کشمیر، گلگت بلتستان تے سیفران انجینئر امیر مقام ساری جماعتاں توں مطالبہ کیتے جو او جمہوری عمل کوں پرامن طریقے نال اگوں ودھݨ ݙیون اتے ووٹرانہاں کوں بیلٹ باکس دے ذریعے نتیجے دا فیصلہ کرݨ ݙیون۔ اسلام آباد اچ میڈیا نال ڳالھ مہاڑ کریندیں ہوئیں انجینئر امیر مقام آکھیا جو سیاسی جماعتاں کوں الزامات لاوݨ دے بجائے عوامی اعتماد حاصل کرݨ تے توجہ ݙیوݨی چاہیدی اے جو پولنگ توں پہلے ای انتخابی عمل کوں کمزور کر سڳدن۔ انھاں آکھیا جو الزامات دے ذریعے انتخابی نتائج تبدیل نئی کیتے ونڄ سڳدے اتے سیاسی فریقاں توں مطالبہ کیتا جو او عوام دے فیصلے کوں بالغ نظری نال قبول کرن۔ امیر مقام آکھیا جو بغیر ثبوت دے الزامات لاوݨ نال الیکشن نتائج تبدیل نئی تھیندے، ݙوجھیاں تے الزام لاوݨ دے بجائے سیاسی جماعتاں کوں عوام توں پچھݨا چاہیدے جو انھاں کوں ووٹ کیوں نہ ملے۔ عوام دا فیصلہ کھلے دل نال قبول کیتا ونڄݨا چاہیدے۔ امیر مقام آکھیا جو مسلم لیگ (ن) سیاسی اختلافات دے باوجود گلگت بلتستان الیکشن دے نتائج قبول کیتن اتے توقع اے جو ٻیاں جماعتاں وی ایں جمہوری جذبے دا مظاہرہ کریسن۔ انھاں آکھیا جو پی پی پی رہنماواں دے نال ملاقاتاں تھین لیکن کہیں وی متفقہ سیاسی فریم ورک دی خلاف ورزی نئیں کیتی ڳئی۔ امیر مقام الزام لاتا جو اساں من مانے تبادلیاں تے انتظامی فیصلیاں دا مشاہدہ کیتے جو امتیازی لگدن۔ ایہوجہے اقدامات سیاسی جماعتاں کیتے ناہموار میدان پیدا کریندن۔
