ݙو توں 4 اگست دے دوران ملک دے وݙے دریاواں اچ پاݨی دے بہاؤ اچ نمایاں اضافے دا امکان

اسلام آباد۔ 2 اگست (اے پی پی) قومی ادارہ برائے مدیریتِ حوادث (این ڈی ایم اے) دے نیشنل ایمرجنسیز آپریشن سنٹر (این ای او سی) 2 توں 4 اگست دے دوران ملک دے وݙے دریاواں اچ پاݨی دے بہاؤ اچ نمایاں اضافے دا امکان ظاہر کیتے۔ این ڈی ایم اے دے میڈیا ونگ دے مطابق دریائے لہڑی اچ ہیڈ گوگی دے مقام تے اچے درجے دا سیلاب جڈانجو وزیر آباد دے مقام تے نالہ پلکھو اچ درمیانے درجے دا سیلاب ریکارڈ کیتا ڳئ۔ دریائے سندھ اچ کالا باغ، چشمہ، گدو تے سکھر دے مقامات تے نچلے درجے دا سیلاب جاری اے جڈانجو دریائے ناری ہیڈ ناری تے وی نچلے درجے دا سیلاب اے۔ دریائے چناب دے مرالہ مقام تے اچے درجے جڈانجو خانکی تے قادر آباد تے نچلے توں درمیانے درجے دے بہاؤ دا امکان اے۔ دریائے جہلم، راوی، کابل تے انھاں دے معاون دریاواں اچ وی نچلے توں درمیانے درجے دے بہاؤ اچ اضافے دی پیش گوئی کیتی ڳئی اے۔ جہلم، چناب تے راوی نال ملحقہ ندی نالیاں اچ درمیانے توں اونچے درجے دے بہاؤ دا امکان اے، جݙانجو راوی تے ستلج اچ پاݨی دی صورتحال بھارتی آبی ذخائر توں اخراج تے وی منحصراے۔ ڈی جی خان تے راجن پور دے پہاڑی نالیاں، وسطی تے جنوبی خیبر پختونخوا تے شمالی بلوچستان دے ندی نالیاں اچ فلیش فلڈنگ دا خدشہ اے۔ این ڈی ایم اے راولپنڈی، جہلم، گوجرانوالہ، لاہور، فیصل آباد، پشاور، مردان، نوشہرہ، حیدرآباد، بدین، ٹھٹھہ تے سندھ دے ٻئے نشیبی شہری علاقیاں اچ اربن فلڈنگ تے بارش دے پاݨی دے جمع تھئیوݨ دا خدشہ ظاہر کیتے۔ عوام کوں ممکنہ طور تے سیلاب توں متاثرہ علاقیاں دے غیر ضروری سفر توں گریز دی ہدایت کریندیں ہوئیں آکھیا ڳئے جو مون سون دے دوران پہاڑی علاقیاں اچ لینڈ سلائیڈنگ، ملبے دے ریلیاں تے اچانک آوݨ آلے سیلاب دا خطرہ ودھ ویندے۔ سفر توں پہلے موسم دی تازہ ترین پیش گوئی تے سڑکاں دی صورتحال ضرور معلوم کرن۔ اگر شدید بارش یا کہیں وی ممکنہ خطرے دی وارننگ جاری تھیوے تاں غیر ضروری سفر توں گریز کرن۔