بہاولپور۔ 3 اگست (اے پی پی) وزیراعظم محمد شہباز شریف بہاولپور اچ ڈپٹی سپیکر پنجاب اسمبلی ملک ظہیر اقبال چنڑ تے انھاں دے بھرا ملک منیر اقبال چنڑ دے گھر ڳئے اتے انھاں دے والد سابق صوبائی وزیر تے رکن قومی اسمبلی ملک محمد اقبال چنڑ دے انتقال تے انھاں نال تے خاندان دے ٻئے افراد نال تعزیت کیتی۔ سنوار کوں پرائم منسٹر آفس دے میڈیا ونگ توں جاری بیان …
وزیراعظم دی ڈپٹی سپیکر پنجاب اسمبلی دے گھر آمد، والد دے انتقال تے تعزیت کیتی
مزید خبراں
بہاولپور۔ 3 اگست (اے پی پی) وزیراعظم محمد شہباز شریف بہاولپور اچ ڈپٹی سپیکر پنجاب اسمبلی ملک ظہیر اقبال چنڑ تے انھاں دے بھرا ملک منیر اقبال چنڑ دے گھر ڳئے اتے انھاں دے والد سابق صوبائی وزیر تے رکن قومی اسمبلی ملک محمد اقبال چنڑ دے انتقال تے انھاں نال تے خاندان دے ٻئے افراد نال تعزیت کیتی۔ سنوار کوں پرائم منسٹر آفس دے میڈیا ونگ توں جاری بیان دے مطابق ایں موقع تے بہاولپور توں تعلق رکھݨ آلے اراکین قومی و پنجاب اسمبلی تے ٻئے سیاسی رہنما وی موجود ہن۔ وفاقی وزیر منصوبہ بندی و ترقی احسن اقبال، وفاقی وزیر قانون اعظم نذیر تارڑ، وفاقی وزیر توانائی سردار اویس لغاری تے وفاقی وزیر اطلاعات تے نشریات عطا اللہ تارڑ وی وزیراعظم دے نال ہن۔ وزیراعظم مرحوم دی پارٹی نال وفاداری کوں سراہیندیں ہوئیں آکھیا جو انھاں مسلم لیگ (ن) اچ بطور سیاسی لیڈر نمایاں کردار ادا کیتا۔ انھاں آکھیا جو مرحوم بطور رکن قومی اسمبلی عوامی فلاح و بہبود کیتے گرانقدر خدمات سر انجام ݙتیاں۔ وزیراعظم دعا کیتی جو اللہ تعالیٰ مرحوم کوں آپݨے جوارِ رحمت اچ ڄاہ ݙیوے اتے اہل خانہ کوں صبر و استقامت عطا فرماوے۔
