سکیورٹی فورسز دی خیبرپختونخوا اچ گزریل2 مہینے توں دہشتگرداں دے خلاف مؤثر انٹیلی جنس بیسڈ کارروائیاں جاری، ٻہوں سارے خوارجی دہشتگرد جہنم واصل

اسلام آباد۔ 3 اگست (اے پی پی) سکیورٹی فورسز دی خیبرپختونخوا اچ “عزمِ استحکام” وژن دے تحت گزریل 2 مہینے توں دہشتگرداں دے خلاف مؤثر انٹیلی جنس بیسڈ کارروائیاں جاری ہن جیں اچ ٻہوں سارے  خوارج جہنم واصل کیتے ڳئن۔سکیورٹی ذرائع موجب شمالی وزیرستان اچ انٹیلی جنس بیسڈ کارروائیاں دے دوران سکیورٹی فورسز خوارج دے ٻہوں سارے ٹھکاݨے تباہ کیتے، شمالی وزیرستان دے علاقے کھٹی کلی اچ کارروائی دے دوران ٻہوں سارے خوارجی دہشتگرداں کوں جہنم واصل کیتا ڳیا جݙاں جو ہلاک خوارجی دہشتگرداں دے ٹھکاݨیں توں باری مقدار اچ اسلحہ، گولہ بارود تے ٻیا سامان وی برآمد تھیا۔سکیورٹی ذرائع موجب آپریشن دے دوران سکیورٹی فورسز دے ہتھوں فتنہ الخوارج دے ٻہوں دہشتگرداں دے زخمی تھیوݨ دیاں وی اطلاعات ہن۔سکیورٹی ذرائع آکھیا جو کارروائیاں اچ ایں گالھ کوں یقینی بݨایا ویندا پئے جو عوام دے جان و مال دا تحفظ رہے تے مقامی آبادی کوں کوئی ضیان نہ پڄے، سکیورٹی فورسز خیبرپختونخوا اچ پائیدار امن دے قیام تے دہشتگردی دے مکمل خاتمے تئیں کارروائیاں جاری رکھیاں ہوئیاں ہن۔