پولیس دے افسراں تے جواناں دہشتگردی دے خاتمے، امن و امان دے قیام تے قانون دی بالادستی کیتے لازوال قربانیاں پیش کیتیاں، سردار ایاز صادق

اسلام آباد۔ 4 اگست (اے پی پی) سپیکر قومی اسمبلی سردار ایاز صادق یومِ شہدائے پولیس دے موقع تے شہداء کوں خراجِ عقیدت پیش کریندیں ہوئیں آکھیا جو پولیس دے افسراں تے جواناں ملک توں دہشتگردی دے خاتمے، امن و امان دے قیام تے قانون دی بالادستی کیتے لازوال قربانیاں پیش کیتن۔ اے ڳالھیں انھاں منگل کوں یومِ شہدائے پولیس دے موقع تے آپݨے سنیھے اچ آکھی۔  انھاں آکھیا جو پوری قوم پولیس دے شہداء دی جرأت، بہادری تے فرض شناسی کوں سلام پیش کریندی اے، امن و امان دے قیام تے قانون دی حکمرانی کیتے سکیورٹی فورسز تے قانون نافذ کرݨ آلے اداروں دی قربانیاں ناقابلِ فراموش ہن۔ انھاں آکھیا جو شہداء دے اہلخانہ دے صبر و استقامت تے حوصلے کوں سلام پیش کرینداں۔ سپیکر اللہ تعالیٰ توں شہداء دے درجات دی بلندی کیتے دعا وی کیتی۔