اسلام آباد۔ 4 اگست (اے پی پی) وفاقی وزیر برائے منصوبہ بندی، ترقی تے خصوصی اقدامات پروفیسر احسن اقبال تے وفاقی وزیرِ اطلاعات تے نشریات عطاء اللہ تارڑ وچال منگل کوں ملاقات تھئی، جئیں اچ پبلک سیکٹر ڈویلپمنٹ پروگرام (پی ایس ڈی پی) دے تحت پاکستان ٹیلی ویژن (پی ٹی وی) دی ری ویمپنگ تے ایں کوں جدید تقاضیاں نال ہم آہنگ کرݨ دے منصوبے تے تفصیلی ڳالھ مہاڑ کیتی …
وفاقی وزیرِ اطلاعات تے نشریات دی وزیر برائے منصوبہ بندی، ترقی تے خصوصی اقدامات نال ملاقات، پی ٹی وی دی ری ویمپنگ، جدید خطوط تے استوار کرݨ دے منصوبے تے ڳالھ مہاڑ
مزید خبراں
اسلام آباد۔ 4 اگست (اے پی پی) وفاقی وزیر برائے منصوبہ بندی، ترقی تے خصوصی اقدامات پروفیسر احسن اقبال تے وفاقی وزیرِ اطلاعات تے نشریات عطاء اللہ تارڑ وچال منگل کوں ملاقات تھئی، جئیں اچ پبلک سیکٹر ڈویلپمنٹ پروگرام (پی ایس ڈی پی) دے تحت پاکستان ٹیلی ویژن (پی ٹی وی) دی ری ویمپنگ تے ایں کوں جدید تقاضیاں نال ہم آہنگ کرݨ دے منصوبے تے تفصیلی ڳالھ مہاڑ کیتی ڳئی۔ وفاقی وزیرِ اطلاعات تے نشریات عطاء اللہ تارڑ آکھیا جو پی ٹی وی دی ری ویمپنگ دے منصوبے دی تکمیل کیتے پی ایس ڈی پی دے تحت وزارتِ منصوبہ بندی دے تعاون دی لوڑھ اے۔ انھاں آکھیا جو گلگت بلتستان اچ بین الاقوامی کھیݙاں دے مقابلیاں دی براہِ راست نشریات کیتے مقامی براڈکاسٹنگ انفراسٹرکچر ناگزیر اے کیونجو فی الحال او بی وینز اسلام آباد توں بھیجݨی پوندن، جئیں توں اخراجات تے انتظامی مشکلاں ودھ ویندن۔ انھاں آکھیا جو پی ٹی وی دے ماسٹر کنٹرول رومز (MCRs) کوں جدید ٹیکنالوجی نال ہم آہنگ کرݨ ویلھے دی اہم لوڑھ اے تانجو قومی نشریاتی ادارہ عالمی معیار دی براڈکاسٹنگ سہولیات ݙے سڳے۔ ایں موقع تے وفاقی وزیر برائے منصوبہ بندی پروفیسر احسن اقبال آکھیا جو پاکستان ٹیلی وژن ہک قومی اثاثہ اے اتے حکومت ایں دی بحالی تے ایں کوں جدید سہولتاں نال آراستہ کرݨ کیتے ہر ممکن تعاون فراہم کریسی۔ انھاں آکھیا جو پی ٹی وی ہمیشہ قومی شناخت، ثقافتی اقدار تے قومی وحدت دے فروغ اچ کلیدی کردار ادا کیتے لہٰذا ایں کوں جدید تقاضیاں نال ہم آہنگ کرݨ ویلھے دی اہم لوڑھ اے۔ ملاقات اچ پی ٹی وی دی استعداد کار ودھاوݨ، براڈکاسٹنگ انفراسٹرکچر دی بہتری تے قومی نشریاتی نظام کوں جدید خطوط تے استوار کرݨ کیتے آپسی تعاون کوں مزید فروغ ݙیوݨ تے وی اتفاق کیتا ڳیا۔
