اسلام آباد۔ 4 اگست (اے پی پی) وفاقی وزیرمذہبی امور و بین المذاہب ہم آہنگی سردار محمد یوسف نال مرکزی رویت ہلال کمیٹی دے چیئرمین مولانا عبدالخبیر آزاد بین الاقوامی شہرت یافتہ بین المذاہب ہم آہنگی سکالر ڈاکٹر لیف ہیٹ لینڈ دے رلے ملاقات کیتی۔ ملاقات اچ قومی تے بین الاقوامی سطح تے بین المذاہب ہم آہنگی، رواداری دے ودھارے تے مذہبی اقلیتاں دے حقوق دے تحفظ تے تفصیلی ڳالھ …
وفاقی وزیر مذہبی امور سردار محمد یوسف نال مرکزی رویت ہلال کمیٹی دے چیئرمین مولانا عبدالخبیر آزاد دی بین الاقوامی شہرت یافتہ سکالر ڈاکٹر لیف ہیٹ لینڈ دے رلے ملاقات
اسلام آباد۔ 4 اگست (اے پی پی) وفاقی وزیرمذہبی امور و بین المذاہب ہم آہنگی سردار محمد یوسف نال مرکزی رویت ہلال کمیٹی دے چیئرمین مولانا عبدالخبیر آزاد بین الاقوامی شہرت یافتہ بین المذاہب ہم آہنگی سکالر ڈاکٹر لیف ہیٹ لینڈ دے رلے ملاقات کیتی۔ ملاقات اچ قومی تے بین الاقوامی سطح تے بین المذاہب ہم آہنگی، رواداری دے ودھارے تے مذہبی اقلیتاں دے حقوق دے تحفظ تے تفصیلی ڳالھ مہاڑ کیتی ڳئی۔وزارتِ مذہبی امور دے ترجمان موجب وفاقی وزیر سردار محمد یوسف آکھیا جو حکومتِ پاکستان ملک اچ مذہبی ہم آہنگی، سانجھے احترام تے پرامن بقائے باہمی دے ودھارے کیتے مکمل طور تے پرعزم اے۔ انھاں ایں ڳالھ تے زور ݙتا جو پاکستان دا آئین سارے شہریاں کوں بلا تفریقِ مذہب و عقیدہ مساوی حقوق تے مذہبی آزادی دی ضمانت ݙیندے تے اساں کوں معاشرے اچ امن تے محبت دے پیغام کوں عام کرݨ کیتے سانجھیاں کوششاں جاری رکھݨیاں چاہیدن۔وفاقی وزیر سردار محمد یوسف وزارت دی طرفوں بین المذاہب ہم آہنگی دے ودھارے کیتے چاتے ڳئے اہم اقدامات تے روشنی پاتی۔ انھاں ݙسایا جو وزارتِ مذہبی امور قومی سطح تے ”بین المذاہب ہم آہنگی کمیٹیاں“ فعال کیتن جیڑھی ضلعی تے صوبائی سطح تے سارے مذاہب دے علماء کوں ہک پلیٹ فارم تے کٹھا کریندن۔ ایں توں علاوہ اقلیتاں دے مذہبی تہواراں کوں سرکاری سطح تے مناوݨ، اقلیتی برادری دیاں عبادت گاہواں دے تحفظ تے تزئین و آرائش، اقلیتی طلباء کیتے خصوصی وظائف تے ”پیغامِ پاکستان“ بیانیے دی ترویج جیھے اہم ترین اقدامات شامل ہن تاں جو نفرت انگیز مواد تے فرقہ واریت دا موثر سدِ باب کیتا ونڄ سڳے۔چیئرمین مرکزی رویت ہلال کمیٹی مولانا عبدالخبیر آزاد ایں موقع تے آکھیا جو اسلام دا بنیادی پیغام امن، سلامتی، تے انسانیت نال محبت دا اے، علماء کرام تے دینی راہنماواں دا اے دینی تے قومی فریضہ اے جو او معاشرے اچ شدت پسندی تے نفرت مکاوݨ کیتے اڳوں آون تے سارے مذاہب دے پیروکاراں وچال پل دا کردار ادا کرن۔بین الاقوامی بین المذاہب ہم آہنگی سکالر ڈاکٹر لیف ہیٹ لینڈ پاکستان اچ بین المذاہب ہم آہنگی کیتے چاتے ڳئے اقدامات دی تعریف کریندے آکھیا جو عالمگیر سطح تے پرامن بقائے باہمی کیتے سانجھی ڳالھ مہاڑ ، احترام تے غیر مشروط محبت دی ٻہوں لوڑھ اے ۔ملاقات اچ بین المذاہب رواداری دے ودھارے کیتے مشترکہ پروگراماں تے ورکشاپاں دے انعقاد تے اتفاق کیتا ڳیا
