اسلام آباد۔ 4 اگست(اے پی پی)صدرِ مملکت آصف علی زرداری پاکستان پولیس دے بہادر افسراں اتے جواناں دی قربانی کوں عظم قرار ݙیندے آکھیے جو شہدا پوری قوم دا ماݨ ہین، وطنِ عزیز دے امن اتے سلامتی کیتے اپݨیاں جاناں ݙیوݨ آلیاں کوں خراج تحسین پیش کریندے ہیں۔ یومِ شہدائے پولیس تے اپݨے سنیہے اچ صدر مملکت آکھیے جو پاکستان پولیس جرائم، دہشت گردی اتے پرتشدد انتہا پسندی دے خلاف …
پاکستان پولیس دے بہادر افسراں تے جواناں دیاں عظیم قربانیاں پوری قوم دا ماݨ ہین، صدرِ مملکت آصف علی زرداری
اسلام آباد۔ 4 اگست(اے پی پی)صدرِ مملکت آصف علی زرداری پاکستان پولیس دے بہادر افسراں اتے جواناں دی قربانی کوں عظم قرار ݙیندے آکھیے جو شہدا پوری قوم دا ماݨ ہین، وطنِ عزیز دے امن اتے سلامتی کیتے اپݨیاں جاناں ݙیوݨ آلیاں کوں خراج تحسین پیش کریندے ہیں۔ یومِ شہدائے پولیس تے اپݨے سنیہے اچ صدر مملکت آکھیے جو پاکستان پولیس جرائم، دہشت گردی اتے پرتشدد انتہا پسندی دے خلاف صفِ اول اچ خدمات انجام ݙیندی پئی اے، ہدفی کارروائیاں اچ اعلیٰ پیشہ ورانہ مہارت اتے موثر حکمتِ عملی ݙکھیندے ہوئے پولیس جرائم پیشہ اتے انتہا پسند عناصر دے نیٹ ورکس کوں ناکام ٻݨاوݨ اچ نمایاں کامیابیاں حاصل کیتن۔ صدرِ مملکت آکھیا جو ساݙے پولیس اہلکار معصوم جاناں دے تحفظ، قانون دی بالا دستی اتے ملک اچ امن و امان کیتے پرعزم ہین اتے بے مثال قربانیاں نال اپݨیاں ذمہ داریاں نٻھیندے پئن، دہشت گرداں اتے انھاں دے غیر ملکی سرپرستاں دے خلاف کارروائیاں اچ اساݙے پولیس افسراں اتے اہلکاراں دی غیر معمولی بہادری، قربانیاں اتے فیصلہ کن کردار قومی سطح تے قابلِ ستائش اے۔
