پنجاب اسمبلی: 5 اگست 2019ء دے کشمیر مخالف بھارتی اقدامات دے خلاف قرارداد جمع

لاہور۔ 4 اگست(اے پی پی)پنجاب اسمبلی اچ 5 اگست 2019ء دے کشمیر مخالف بھارتی اقدامات دے خلاف قرارداد جمع کرا ݙتی ڳئی اے۔ قرارداد چیف وہپ ن لیگ رانا محمد ارشد جمع کرائی۔ قرارداد اچ آرٹیکل 370 اتے آرٹیکل 35-اے دی منسوخی کوں اقوامِ متحدہ دیاں قرارداداں اتے بین الاقوامی قانون دی خلاف ورزی قرار ݙیندے ہوئے آکھیا ڳئے جو اے ایوان مقبوضہ جموں و کشمیر دی حیثیت یکطرفہ وٹاوݨ دی مذمت کریندے۔ قرارداد اچ کشمیری عوام نال مکمل یکجہتی اتے ہر سطح تے حمایت دا عزم د وہریندے آکھیا ڳئے جو پاکستان دے 25 کروڑ عوام کشمیری بھراواں اتے ٻیݨیںں دے نال کھڑن۔ قرارداد اچ اقوامِ متحدہ دی سلامتی کونسل اتے عالمی برادری توں قرارداداں تے مؤثر عملدرآمد دا مطالبہ کیتا ڳئے جو کشمیری عوام کوں حقِ خودارادیت ݙوایا ونڄے، مقبوضہ جموں و کشمیر توں بھارتی فوجی قبضہ ختم کرایا ونڄے اتے انسانی حقوق دیاں سنگین خلاف ورزیاں دا نوٹس ڳھدا ونڄے، اے ایوان بھارت توں 5 اگست 2019ء دے سارے یکطرفہ اتے غیر قانونی اقدامات واپس گھنݨ دا مطالبہ کریندے، قرارداد اچ عالمی برادری توں مسئلہِ کشمیر دے منصفانہ حل کیتے عملی اقدامات کرݨ دا وی مطالبہ کیتا ڳیا۔ قرارداد اچ آکھیا ڳیا جو کشمیری عوام دے حقِ خودارادیت حاصل کرݨ تئیں پاکستان ہر سطح تے انھاں دے نال کھڑا رہسی۔