راولپنڈی۔ 4 اگست(اے پی پی) فیلڈ مارشل سید عاصم منیر نیشنل ایمرجنسیز آپریشن سینٹر (این ای او سی) ہیڈکوارٹرز دا دورہ کیتے جتھاں انھاں کوں ساوݨ اچ ممکنہ آفات نال نمٹݨ کیتے کیتے ڳئے انتظامات تے تفصیلی بریفنگ ݙتی ڳئی۔ پاک فوج دے شعبہِ تعلقاتِ عامہ (آئی ایس پی آر) دے مطابق چیئرمین نیشنل ڈیزاسٹر مینجمنٹ اتھارٹی (این ڈی ایم اے) فیلڈ مارشل کوں نیشنل ایمرجنسیز آپریشن سینٹر دیاں آپریشنل …
فیلڈ مارشل سید عاصم منیر دا این ڈی ایم اے ہیڈکوارٹرز دا دورہ، ساوݨ اچ آفتاں نال نمٹݨ دیاں تیاریاں دا جائزہ
راولپنڈی۔ 4 اگست(اے پی پی) فیلڈ مارشل سید عاصم منیر نیشنل ایمرجنسیز آپریشن سینٹر (این ای او سی) ہیڈکوارٹرز دا دورہ کیتے جتھاں انھاں کوں ساوݨ اچ ممکنہ آفات نال نمٹݨ کیتے کیتے ڳئے انتظامات تے تفصیلی بریفنگ ݙتی ڳئی۔ پاک فوج دے شعبہِ تعلقاتِ عامہ (آئی ایس پی آر) دے مطابق چیئرمین نیشنل ڈیزاسٹر مینجمنٹ اتھارٹی (این ڈی ایم اے) فیلڈ مارشل کوں نیشنل ایمرجنسیز آپریشن سینٹر دیاں آپریشنل صلاحیتاں، نگرانی دے نظام اتے ہنگامی صورتحال نال نمٹݨ دے طریقیاں دا ݙسایا۔ فیلڈ مارشل سید عاصم منیر قدرتی آفات نال نمٹݨ دی قومی صلاحیت کوں مضبوط بݨاوݨ کیتے این ڈی ایم اے دیاں کوششاں دی تعریف کریندے انفراسٹرکچر دے تحفظ، موثر ادارہ جاتی رابطہ کاری اتے ویلھے سر ردِعمل دی اہمیت تے زور ݙتا۔ انھاں ہدایت کیتی جو انسانی جاناں اتے اہم قومی انفراسٹرکچر دے تحفظ کوں ہر صورت یقینی ٻݨایا ونڄے تاں جو کہیں وی ہنگامی صورتحال اچ نقصانات کوں گھٹ توں گھٹ رکھیا ونڄ سڳے۔ آئی ایس پی آر دے مطابق فیلڈ مارشل اے عزم دوہرایا جو پاکستان دیاں مسلح افواج قدرتی آفات دے دوران ریلیف، ریسکیو اتے بحالی دیاں سرگرمیاں اچ سول اداریاں دی ہر ممکن معاونت کیتے ہر ویلھے مکمل طور تے تیار ہین۔
