اسلام آباد۔ 5 اگست (اے پی پی) وفاقی وزیر برائے منصوبہ بندی، ترقی تے خصوصی اقدامات پروفیسر احسن اقبال آکھیا جو 5 اگست اساݙی تاریخ دا او دردناک موڑ اے جݙݨ بھارت دے غیر قانونی زیرِ تسلط جموں تے کشمیر دی عوام دی شناخت، آزادی تے بنیادی حقوق تے بدترین حملہ کیتا ڳیا۔ آپݨے سنیھے اچ انھاں آکھیا جو اے ݙینہہ کشمیری عوام دے حقِ خودارادیت تے قدغن تے بین …
عالمی برادری بھارت دے غیر قانونی تسلط جموں تے کشمیر اچ انسانی حقوق دی خلاف ورزیاں دا نوٹس گھنے، احسن اقبال
مزید خبراں
اسلام آباد۔ 5 اگست (اے پی پی) وفاقی وزیر برائے منصوبہ بندی، ترقی تے خصوصی اقدامات پروفیسر احسن اقبال آکھیا جو 5 اگست اساݙی تاریخ دا او دردناک موڑ اے جݙݨ بھارت دے غیر قانونی زیرِ تسلط جموں تے کشمیر دی عوام دی شناخت، آزادی تے بنیادی حقوق تے بدترین حملہ کیتا ڳیا۔ آپݨے سنیھے اچ انھاں آکھیا جو اے ݙینہہ کشمیری عوام دے حقِ خودارادیت تے قدغن تے بین الاقوامی قوانین دی کھلی خلاف ورزی دی علامت اے۔ وفاقی وزیر آکھیا جو انھاں ہمیشہ کشمیری بھراواں تے بھیݨیں دے ݙکھ، قربانیاں تے استقامت کوں انتہائی قریب توں محسوس کیتا۔ انھاں دا آکھݨ ہائی جو کشمیر محض ہک سیاسی یا جغرافیائی تنازعہ نئی بلکہ پاکستان دی روح، غیرت تے شاہ رڳ اے۔ پروفیسر احسن اقبال عالمی برادری تے زور ݙتا جو او بھارت دے غیر قانونی زیرِ تسلط جموں تے کشمیر اچ انسانی حقوق دی خلاف ورزیاں دا نوٹس گھنے، اقوامِ متحدہ دی سلامتی کونسل دی متعلقہ قرارداداں تے عمل درآمد یقینی بݨاوݨ کیتے موثر کردار ادا کرے تے کشمیری عوام کوں انھاں دا تسلیم شدہ حقِ خودارادیت ݙواوݨ اچ آپݨی ذمہ واریاں پوریاں کرے۔
