اسلام آباد۔ 5 اگست (اے پی پی) وفاقی وزیر برائے موسمیاتی تبدیلی تے ماحولیاتی ہم آہنگی سینیٹر ڈاکٹر مصدق ملک آکھیا جو 5 اگست 2019ء کوں بھارت ولوں جموں و کشمیر دی خصوصی آئینی حیثیت ختم کرݨ دا اقدام غیر قانونی، یکطرفہ تے ناقابلِ قبول ہئی جو اقوامِ متحدہ دیاں قرارداداں تے بین الاقوامی قوانین دی صریح خلاف ورزی اے۔ بدھ کوں یومِ استحصالِ کشمیر دے موقع تے آپݨے سنیھے …
پاکستان کشمیری عوام کوں کݙاہیں کلھا نہ چھوڑیسی، ڈاکٹر مصدق ملک
مزید خبراں
اسلام آباد۔ 5 اگست (اے پی پی) وفاقی وزیر برائے موسمیاتی تبدیلی تے ماحولیاتی ہم آہنگی سینیٹر ڈاکٹر مصدق ملک آکھیا جو 5 اگست 2019ء کوں بھارت ولوں جموں و کشمیر دی خصوصی آئینی حیثیت ختم کرݨ دا اقدام غیر قانونی، یکطرفہ تے ناقابلِ قبول ہئی جو اقوامِ متحدہ دیاں قرارداداں تے بین الاقوامی قوانین دی صریح خلاف ورزی اے۔ بدھ کوں یومِ استحصالِ کشمیر دے موقع تے آپݨے سنیھے اچ انھاں آکھیا جو کشمیری عوام دے حقِ خودارادیت دی حمایت پاکستان دی قومی پالیسی دا لازمی حصہ اے اتے پاکستان ہر سطح تے کشمیری عوام دی سفارتی، سیاسی تے اخلاقی حمایت جاری رکھیسی۔ انھاں ایں عزم دا اعادہ کیتا جو پاکستان کشمیری عوام کوں کݙاہیں کلھا نہ چھوڑیسی اتے انھاں دے جائز حقوق حاصل تھیوݨ کیتے ہر عالمی فورم تے آواز بلند کریندا رہسی۔وفاقی وزیر آکھیا جو جنوبی ایشیا اچ پائیدار امن دا قیام مسئلہِ کشمیر دے منصفانہ تے دیرپا حل نال مشروط اے۔ انھاں آکھیا جو پوری پاکستانی قوم کشمیری عوام دے نال مکمل یکجہتی دا اظہار کریندی اے اتے انھاں دیاں قربانیاں آزادی دی جدوجہد دی روشن علامت ہن۔
