عمان۔ 5 اگست (اے پی پی) نائب وزیراعظم تے وزیرِ خارجہ سینیٹر محمد اسحاق ڈار عمان اچ مقبوضہ بیت المقدس نال متعلق وزارتی اجلاس دے موقع تے اردن دے نائب وزیراعظم تے وزیرِ خارجہ ایمن الصفادی نال ملاقات کیتی۔ بدھ کوں دفترِ خارجہ دے مطابق ملاقات دے دوران ݙوہیں رہنماواں پاکستان تے اردن وچال ݙوپاسہ تعلقات اچ ودھدی ہوئی پیش رفت دا خیرمقدم کریندیں ہوئیں سیاسی، دفاعی، اقتصادی، تعلیمی، ثقافتی …
نائب وزیراعظم اسحاق ڈار دی عمان اچ اردن دے نائب وزیراعظم ایمن الصفادی نال ملاقات، ݙوپاسہ تعلقات اچ پیش رفت دا خیرمقدم
مزید خبراں
عمان۔ 5 اگست (اے پی پی) نائب وزیراعظم تے وزیرِ خارجہ سینیٹر محمد اسحاق ڈار عمان اچ مقبوضہ بیت المقدس نال متعلق وزارتی اجلاس دے موقع تے اردن دے نائب وزیراعظم تے وزیرِ خارجہ ایمن الصفادی نال ملاقات کیتی۔ بدھ کوں دفترِ خارجہ دے مطابق ملاقات دے دوران ݙوہیں رہنماواں پاکستان تے اردن وچال ݙوپاسہ تعلقات اچ ودھدی ہوئی پیش رفت دا خیرمقدم کریندیں ہوئیں سیاسی، دفاعی، اقتصادی، تعلیمی، ثقافتی تے عوامی روابط سمیت مختلف شعبیاں اچ تعاون کوں ٻیا فروغ ݙیوݨ دے عزم دا اعادہ کیتا۔ ݙوہائیں رہنماواں خطے دی تازہ صورتحال، بالخصوص مقبوضہ مغربی کنارے اچ وڳڑدی ہوئی صورتحال تے ڳالھ مہاڑ کیتی۔ نائب وزیراعظم سینیٹر محمد اسحاق ڈار مقبوضہ بیت المقدس اچ اسلامی تے مسیحی مقدس مقاماں دے تحفظ کیتے اردن دے ثابت قدم کردار تے فلسطینی عوام دی مسلسل حمایت کوں سراہیا۔ ملاقات اچ ایران تے امریکا نال متعلق حالیہ صورتحال سمیت خطے دے مجموعی حالات تے وی ڳالھ تھئی۔ ݙوہیں رہنماواں کشیدگی اچ ڳھٹکی کیتے گالھ مہاڑ تے سفارت کاری دی اہمیت تے زور ݙتا۔ انھاں اقوامِ متحدہ تے اسلامی تعاون تنظیم (او آئی سی) سمیت ݙوپاسہ تے کثیرالجہتی فورمز تے قریبی رابطے برقرار رکھیندیں ہوئیں خطے اچ امن و استحکام دے فروغ کیتے مشترکہ کوششاں جاری رکھݨ دے عزم دا اظہار کیتا۔
