لاہور۔ 5 اگست (اے پی پی) وزیرِاطلاعات پنجاب عظمیٰ بخاری بہاولپور اچ ڈپٹی سپیکر پنجاب اسمبلی ملک ظہیر اقبال چنڑ دی رہائش گاہ تے ونڄ تے انھاں دے والد سینئر سیاست دان ملک محمد اقبال چنڑ دے انتقال تے پرچاوݨی ݙتی ۔ ایں موقع تے پنجاب اسمبلی دی استحقاق کمیٹی دے چیئرمین سمیع اللہ خان وی انھاں دے رلے ہن۔عظمیٰ بخاری تے سمیع اللہ خان مرحوم دے ایصالِ ثواب …
عظمیٰ بخاری دی ملک ظہیر اقبال چنڑ کوں انہاں دے والد دے انتقال تے پرچاوݨی
مزید خبراں
لاہور۔ 5 اگست (اے پی پی) وزیرِاطلاعات پنجاب عظمیٰ بخاری بہاولپور اچ ڈپٹی سپیکر پنجاب اسمبلی ملک ظہیر اقبال چنڑ دی رہائش گاہ تے ونڄ تے انھاں دے والد سینئر سیاست دان ملک محمد اقبال چنڑ دے انتقال تے پرچاوݨی ݙتی ۔ ایں موقع تے پنجاب اسمبلی دی استحقاق کمیٹی دے چیئرمین سمیع اللہ خان وی انھاں دے رلے ہن۔عظمیٰ بخاری تے سمیع اللہ خان مرحوم دے ایصالِ ثواب کیتے فاتحہ خوانی کیتی تے اللہ تعالیٰ توں انھاں دی مغفرت، درجات دی بلندی تے لواحقین کیتے صبرِ جمیل دی دعا کیتی۔ایں موقع تے ڳالھ کریندے عظمیٰ بخاری آکھیا جو ملک محمد اقبال چنڑ ٻہوں سادہ طبیعت، مخلص تے باوقار شخصیت دے مالک ہن۔ انھاں آکھیا جو انھاں کوں 2002ء توں 2018ء تئیں پنجاب اسمبلی اچ مرحوم دے نال کم کرݨ دا موقع ملیا، جتھاں انھاں ہمیشہ شائستگی، اخلاص تے عوامی خدمت کوں مقدم رکھیا۔انھاں آکھیا جو والد دا انتقال کہیں وی اولاد کیتے ناقابلِ تلافی ݙکھ ہوندے تے ملک ظہیر اقبال چنڑ دے ݙکھ اچ او برابر دی شریک ہن۔ عظمیٰ بخاری آکھیا جو ملک محمد اقبال چنڑ دے انتقال تے انھاں کوں ٻہوں ݙکھ اے تے انھاں دی سیاسی و سماجی خدمات کوں ہمیشہ یاد رکھیا ویسے۔سمیع اللہ خان وی ملک ظہیر اقبال چنڑ تے انھاں دے اہل خانہ نال دلی ہمدردی کریندیں آکھیا جو ایں ݙکھے ویلھے او ݙکھی خاندان دے نال کھڑن۔عظمیٰ بخاری مزید آکھیا جو ملک محمد اقبال چنڑ دے نال انھاں دا پراݨا تے تعلق ہئی تے انھاں دی وفات ہک وݙا ضیان اے۔
