اسلام آباد۔ 5 اگست(اے پی پی): نائب وزیراعظم و وزیرِ خارجہ سینیٹر محمد اسحاق ڈار عمان اچ یروشلم بارے وزارتی اجلاس اچ شرکت کیتی۔ اجلاس اچ الیندے نائب وزیراعظم و وزیرِ خارجہ مقبوضہ فلسطینی علاقیاں بالخصوص مقبوضہ مشرقی یروشلم اتے مغربی کنارے دی وڳڑدی صورتحال تے چنتا کیتے۔ انھاں مسجدِ اقصیٰ/الحرم الشریف اچ مسلسل خلاف ورزیاں، اسرائیل ولوں غیر قانونی بستیاں دی توسیع، آبادکاراں دے تشدد اتے مقدس مقاماں دی …
نائب وزیراعظم سینیٹر محمد اسحاق ڈار دی عمان اچ یروشلم بارے وزارتی اجلاس اچ شرکت
اسلام آباد۔ 5 اگست(اے پی پی): نائب وزیراعظم و وزیرِ خارجہ سینیٹر محمد اسحاق ڈار عمان اچ یروشلم بارے وزارتی اجلاس اچ شرکت کیتی۔ اجلاس اچ الیندے نائب وزیراعظم و وزیرِ خارجہ مقبوضہ فلسطینی علاقیاں بالخصوص مقبوضہ مشرقی یروشلم اتے مغربی کنارے دی وڳڑدی صورتحال تے چنتا کیتے۔ انھاں مسجدِ اقصیٰ/الحرم الشریف اچ مسلسل خلاف ورزیاں، اسرائیل ولوں غیر قانونی بستیاں دی توسیع، آبادکاراں دے تشدد اتے مقدس مقاماں دی تاریخی و قانونی حیثیت کوں تبدیل کرݨ دیاں کوششاں دی شدید مذمت کیتی۔ انھاں یروشلم اچ اسلامی اتے مسیحی مقدس مقامات تے ہاشمی سرپرستی کیتے پاکستان دی غیر متزلزل حمایت دا عزم دوہریندے زور ݙتے جو مقبوضہ مشرقی یروشلم اتے اسرائیل دی کوئی خودمختاری نہ ہائی۔ نائب وزیراعظم و وزیرِ خارجہ بین الاقوامی قانون دی پاسداری، اقوامِ متحدہ دی سلامتی کونسل دیاں متعلقہ قرارداداں دے احترام، غزہ اچ جنگ بندی برقرار رکھݨ، غزہ تنازعے کوں مکاوݨ دے جامع منصوبے تے مکمل عملدرآمد، بلا رکاوٹ انسانی امداد دی فراہمی اتے فلسطینی عوام دے تحفظ کیتے عرب اتے اسلامی ملکاں دی مربوط سفارتی کوششاں کوں مزید مضبوط بݨاوݨ تے زور ݙتے۔ فلسطینی کاز کیتے پاکستان دی غیر متزلزل حمایت دا عزم دوہریندے نائب وزیراعظم و وزیرِ خارجہ آکھیا جو منصفانہ، جامع اتے پائیدار امن صرف ایں صورت اچ ممکن اے جݙاں جون 1967ء توں پہلے دیاں سرحداں دی بنیاد تے ہک آزاد، خودمختار، قابلِ عمل اتے جغرافیائی طور تے متصل فلسطینی ریاست قائم کیتی ونڄے جیںدا دارالحکومت القدس الشریف ہووے۔
