اسلام آباد۔ 6 اگست (اے پی پی) وفاقی وزیرِ داخلہ محسن نقوی غیر ملکی تربیت کوں پولیس افسراں دی ٹریننگ دا لازمی حصہ بݨاوݨ دا اعلان کریندیں ہوئیں آکھیا جو پولیس نظام کوں ٻیا مؤثر بݨاوݨ کیتے جدید پولیسنگ دے کامیاب ماڈلاں تے جدید ٹیکنالوجی توں مکمل استفادہ کیتا ویسے۔ اے ڳالھیں انھاں اسلام آباد اچ چین تے ترکیہ توں تربیتی کورس مکمل کر تے واپس آوݨ آلے اسسٹنٹ سپرنٹنڈنٹ …
غیر ملکی تربیت پولیس افسراں دی ٹریننگ دا لازمی حصہ، لا انفورسمنٹ انویسٹی گیشن سنٹر دے قیام کیتے پائلٹ پراجیکٹ شروع کیتا ویسے، محسن نقوی
اسلام آباد۔ 6 اگست (اے پی پی) وفاقی وزیرِ داخلہ محسن نقوی غیر ملکی تربیت کوں پولیس افسراں دی ٹریننگ دا لازمی حصہ بݨاوݨ دا اعلان کریندیں ہوئیں آکھیا جو پولیس نظام کوں ٻیا مؤثر بݨاوݨ کیتے جدید پولیسنگ دے کامیاب ماڈلاں تے جدید ٹیکنالوجی توں مکمل استفادہ کیتا ویسے۔ اے ڳالھیں انھاں اسلام آباد اچ چین تے ترکیہ توں تربیتی کورس مکمل کر تے واپس آوݨ آلے اسسٹنٹ سپرنٹنڈنٹ آف پولیس نال ملاقات دے دوران کیتا۔ ایں موقع تے کمانڈنٹ نیشنل پولیس اکیڈمی، ڈی جی ایف آئی اے تے ٻئے اعلیٰ متعلقہ افسران وی موجود ہن۔ ملاقات دے دوران اے ایس پیز چین تے ترکیہ دے جدید پولیسنگ، سرویلنس سسٹمز تے امن و امان دے انتظام نال متعلق آپݨے مشاہدات توں وزیرِ داخلہ کوں آگاہ کیتا اتے انھاں کورسز کوں پیشہ ورانہ صلاحیتاں ودھاوݨ کیتے ہک بہترین تجربہ قرار ݙتا۔ وزیرِ داخلہ غیر ملکی تربیتی پروگراماں کوں پولیس افسراں دی پیشہ ورانہ تربیت دا مستقل حصہ بݨاوݨ دا اعلان کریندیں ہوئیں ݙسیا جو اسلام آباد اچ چین دی طرز تے ‘لا انفورسمنٹ انویسٹی گیشن سنٹر’ دے قیام کیتے پائلٹ پراجیکٹ شروع کیتا ویسے۔ انھاں واضح کیتا جو ایں سنٹر اچ ڈیٹنشن، انویسٹی گیشن تے سمری ٹرائل ہکی چھت تلے تھیسی تانجو معمولی نوعیت دے جرائم دے مقدمات دا فوری تے مؤثر تصفیہ ممکن بݨایا ونڄ سڳے۔ انھاں ݙسیا جو نیشنل پولیس اکیڈمی اچ سپیشلائزڈ انویسٹی گیشن رومز قائم کیتے ویسن جڈانجو انٹیروگیشن (تفتیش) کوں بطور سپیشلائزڈ سبجیکٹ متعارف کرویندیں ہوئیں ترقی یافتہ ملکاں دے ماڈلاں تے جدید تکنیکاں تربیت دا حصہ بݨائی ویسن، ایں توں علاوہ پولیس دی آپریشنل ضروریات نال ہم آہنگ نواں یونیفارم وی متعارف کرایا ویسے۔
