کامیابی کیتے تعلیم، مطالعہ تے مسلسل سکھݨ دا عمل ضروری اے، سپیکر قومی اسمبلی دی ڈیجیٹل بلوچستان اے آئی لانچ پیڈ بوٹ کیمپ اچ شریک طلبہ نال ڳالھ مہاڑ

اسلام آباد۔ 6 اگست (اے پی پی) سپیکر قومی اسمبلی سردار ایاز صادق نال پارلیمنٹ ہاؤس اچ ڈیجیٹل بلوچستان اے آئی لانچ پیڈ بوٹ کیمپ اچ شریک طلبہ خمیس کوں اتھاں ملاقات کیتی۔ ایں موقع تے سپیکر طلبہ نال ڳالھ مہاڑ کریندیں ہوئیں آکھیا جو بلوچستان دے طلبہ کوں قومی اسمبلی اچ انٹرن شپ دے ٻئے مواقع ترجیحی بنیاداں تے فراہم کیتے ویسن، قومی اسمبلی اچ 21 جامعات دے طلبہ کیتے انٹرن شپ تے تربیتی پروگرام جاری ہن، بلوچستان پاکستان دا انتہائی اہم صوبہ اے، ریکوڈک صوبے دی تقدیر بدلݨ دی صلاحیت رکھیندے، بلوچستان میݙیاں ترجیحاں اچ پہلے نمبر تے اے۔ انھاں آکھیا جو کامیابی کیتے تعلیم، مطالعہ تے مسلسل سکھݨ دا عمل ضروری اے، آئینِ پاکستان تے قواعد و ضوابط دا مطالعہ پارلیمانی امور دی بہتر سمجھ پیدا کریندے، قومی اسمبلی اچ نوکریاں کیتے تمام صوبیاں دا کوٹہ مقرر اے، خصوصی طور تے اہل افراد تے تریمتیں کوں قومی اسمبلی اچ زیادہ مواقع فراہم کیتے ڳئن، نوکریاں اچ خواتین دی نمائندگی 30 فیصد تک ودھاوݨ کیتے عملی اقدامات کیتے ویندے پئن۔طلبہ قومی اسمبلی اچ مصنوعی ذہانت تے ڈیجیٹلائزیشن دے اقدامات کوں سراہیا۔ سپیکر آکھیا جو بلوچستان دے طلبہ دے مسائل دے حل کیتے متعلقہ حکام نال ڳالھ کیتی ویسے، ڈیجیٹل بلوچستان اے آئی لانچ پیڈ بوٹ کیمپ نوانواں کوں جدید ٹیکنالوجی نال ہم آہنگ کرݨ اہم اقدام اے، حکومتِ بلوچستان، ٹیک ویلی پاکستان، وزارتِ بین الصوبائی رابطہ، وزارتِ وفاقی تعلیم تے USEFP دی کاوشاں قابلِ تحسین ہن۔