اسلام آباد۔ 6 اگست (اے پی پی) وزیراعظم محمد شہباز شریف سعودی عرب دے ولی عہد و وزیراعظم شیخ محمد بن سلمان بن عبدالعزیز آل سعود دی دعوت تے سعودی عرب دے دورے تے روانہ تھی ڳئن۔ وزیراعظم آفس دے میڈیا ونگ توں خمیس کوں جاری بیان دے مطابق نائب وزیراعظم تے وزیرِ خارجہ سینیٹر محمد اسحاق ڈار، آرمی چیف و چیف آف ڈیفنس فورسز فیلڈ مارشل سید عاصم منیر، …
وزیراعظم محمد شہباز شریف سعودی ولی عہد تے وزیراعظم محمد بن سلمان بن عبدالعزیز آل سعود دی دعوت تے سعودی عرب دے دورے تے روانہ
مزید خبراں
اسلام آباد۔ 6 اگست (اے پی پی) وزیراعظم محمد شہباز شریف سعودی عرب دے ولی عہد و وزیراعظم شیخ محمد بن سلمان بن عبدالعزیز آل سعود دی دعوت تے سعودی عرب دے دورے تے روانہ تھی ڳئن۔ وزیراعظم آفس دے میڈیا ونگ توں خمیس کوں جاری بیان دے مطابق نائب وزیراعظم تے وزیرِ خارجہ سینیٹر محمد اسحاق ڈار، آرمی چیف و چیف آف ڈیفنس فورسز فیلڈ مارشل سید عاصم منیر، وفاقی وزراء خواجہ محمد آصف، عطاء اللہ تارڑ تے معاونِ خصوصی طارق فاطمی وی وزیراعظم دے نال ہن۔ وزیراعظم سعودی عرب دے دورے دے دوران سعودی ولی عہد تے وزیراعظم شہزادہ محمد بن سلمان بن عبدالعزیز آل سعود نال ملاقات کریسن جئیں اچ پاکستان تے سعودی عرب وچال دیرینہ برادرانہ تعلقات تے شراکت داری کوں ٻیا مضبوط کرݨ تے خطے دی صورتحال تے ڳالھ تھیسی۔ وزیراعظم آپݨے دورے دے دوران عمرہ ادا کریسن اتے مدینہ منورہ اچ روضۂ رسول صلی اللہ علیہ وسلم تے حاضری وی ݙیسن۔ وزیراعظم دا دورۂ سعودی عرب ݙوہائیں ملکاں دے مابین دہائیاں تے محیط دیرینہ برادرانہ تعلقات، آپسی اعتماد تے بھائی چارے دا مظہر اے۔ اے دورہ خطے دی صورتحال دے قلیل مدتی اثرات دے پسِ منظر کوں ݙیکھدیں ہوئیں تھیندا پئے جڈانجو اے ݙوہائیں ملکاں وچال تزویراتی تعاون، آپسی تعلقات، علاقائی تے بین الاقوامی امور تے ہم آہنگی تے تعاون کوں ودھیسی۔
