اسلام آباد۔ 6 اگست (اے پی پی) وزیراعظم محمد شہباز شریف چین دے نال تزویراتی شراکت داری کوں مزید مستحکم بݨاوݨ دے پاکستان دے عزم دا اعادہ کریندیں ݙوہیں ملکاں وچال عوامی رابطیں تے سیاسی و پارلیمانی تبادلیں دی اہمیت تے زور ݙتے۔وزیراعظم محمد شہباز شریف نال پاکستان اچ چین دے سفیر جیانگ زیڈونگ وزیراعظم ہاؤس اچ ملاقات کیتی۔ وزیراعظم دفتر دے میڈیا ونگ توں جاری بیان موجب ملاقات …
وزیراعظم شہباز شریف نال چینی سفیر جیانگ زیڈونگ دی ملاقات
مزید خبراں
اسلام آباد۔ 6 اگست (اے پی پی) وزیراعظم محمد شہباز شریف چین دے نال تزویراتی شراکت داری کوں مزید مستحکم بݨاوݨ دے پاکستان دے عزم دا اعادہ کریندیں ݙوہیں ملکاں وچال عوامی رابطیں تے سیاسی و پارلیمانی تبادلیں دی اہمیت تے زور ݙتے۔وزیراعظم محمد شہباز شریف نال پاکستان اچ چین دے سفیر جیانگ زیڈونگ وزیراعظم ہاؤس اچ ملاقات کیتی۔ وزیراعظم دفتر دے میڈیا ونگ توں جاری بیان موجب ملاقات اچ چینی سفیر وزیراعظم کوں چین دے صدر شی جن پنگ دا ہک خط پیش کیتا جیں اچ کمیونسٹ پارٹی آف چائنا دے قیام دی 105ویں سالگنڈھ دے موقع تے وزیراعظم پاکستان دے خط تے اظہارِ تشکر کیتا ڳیا ہائی۔ݙوہیں ملکاں دے سانجھے تعلقات اچ مثبت پیش رفت کوں اجاگر کریندیں وزیراعظم چین دے نال ’آل ویدر سٹریٹیجک شراکت داری‘ کوں مزید مستحکم کرݨ دے پاکستان دے عزم دا اعادہ کیتا۔ وزیراعظم عوامی سطح تے رابطیں دے نال نال ݙوہیں ملکاں دیاں سیاسی جماعتاں تے پارلیماناں وچال تبادلیں دی اہمیت تے وی زور ݙتا۔ ملاقات اچ سانجھے تعاون تے سانجھی دلچسپی دے علاقائی امور تے وی ڳالھ مہاڑ کیتی ڳئی
