اسلام آباد۔ 6 اگست(اے پی پی)وفاقی وزیرِ توانائی سردار اویس احمد خان لغاری نال ایران دے سفیر ڈاکٹر رضا امیری مقدم ملاقات کیتی، جیںدے اچ توانائی، تجارت تے ݙوطرفہ تعاون دے ودھارے بارے مختلف امور تے تفصیلی الایا۔ ملاقات اچ زرعی تے غذائی شعبیاں اچ تعاون ودھاوݨ تے وی اتفاق کیتا ڳیا، ݙوہائیں ملکاں توانائی سودھا مختلف شعبیاں اچ باہمی تعاون مزید مضبوط بݨاوݨ دا عزم دوہرایا۔ ایرانی سفیر آکھیا …
سردار اویس لغاری نال ایرانی سفیر دی ملاقات، توانائی تعاون مزید مضبوط ٻݨاوݨ تے اتفاق
مزید خبراں
اسلام آباد۔ 6 اگست(اے پی پی)وفاقی وزیرِ توانائی سردار اویس احمد خان لغاری نال ایران دے سفیر ڈاکٹر رضا امیری مقدم ملاقات کیتی، جیںدے اچ توانائی، تجارت تے ݙوطرفہ تعاون دے ودھارے بارے مختلف امور تے تفصیلی الایا۔ ملاقات اچ زرعی تے غذائی شعبیاں اچ تعاون ودھاوݨ تے وی اتفاق کیتا ڳیا، ݙوہائیں ملکاں توانائی سودھا مختلف شعبیاں اچ باہمی تعاون مزید مضبوط بݨاوݨ دا عزم دوہرایا۔ ایرانی سفیر آکھیا جو ݙوجھی پاک۔ایران ٹرانسمیشن لائن تے تیکھے کم شروع کیتا ویسی، موجودہ 100 میگاواٹ بجلی فراہمی دے معاہدے اچ توسیع دی تجویز تے وی غور تھیندا پئے۔ تہران اچ تھیوݨ والے مشترکہ کمیشن دے اجلاس اچ پاکستانی توانائی کمپنیاں کوں سݙیا ویسی، سی پی پی اے-جی، کیسکو اتے این جی سی دیاں تکنیکی ٹیماں کوں وی تہران آوݨ دی پیشکش کیتی ڳئی اے۔ وفاقی وزیرِ توانائی سردار اویس احمد خان لغاری آکھیا جو پاکستانی ماہرین ایران ونڄ تے بجلی دے نظام اتے نیشنل گرڈ دا جائزہ گھنسن، گوادر دی ترقی کیتے مستحکم، قابلِ اعتماد اتے بلا تعطل بجلی دی فراہمی ضروری اے، گوادر اچ بجلی دے نظام دی پائیداری اتے پیداواری صلاحیت ودھاوݨ کیتے سرمایہ کاری دی لوڑھ اے۔ مستقبل اچ ایران توں بجلی دی فراہمی اتے ݙوطرفہ بجلی تجارت دی اہمیت ٻئی ودھسی۔
