سپیکر سردار ایاز صادق دا جنوبی وزیرستان تے دیر اچ آپریشنز دے دوران 10 خوارجیاں کوں جہنم واصل کرݨ تے سکیورٹی فورسز کوں خراجِ تحسین

اسلام آباد۔ 7 اگست (اے پی پی) سپیکر سردار ایاز صادق جنوبی وزیرستان تے دیر اچ آپریشنز دے دوران 10 خوارجیاں کوں جہنم واصل کرݨ تے سکیورٹی فورسز کوں خراجِ تحسین پیش کیتے۔ جمعے کوں آپݨے ہک بیان اچ انھاں سکیورٹی فورسز دی پیشہ ورانہ مہارت دی تعریف کیتی تے آکھیا جو سکیورٹی فورسز بروقت تے مؤثر کارروائی کریندیں ہوئیں دہشت گرداں دے مذموم عزائم ناکام بݨائے، دہشت گردی دے خلاف سکیورٹی فورسز دی قربانیاں تے کامیابیاں پوری قوم کیتے باعثِ فخر ہن، ملک اچ امن تے استحکام دے قیام کیتے سکیورٹی فورسز تے قانون نافذ کرݨ آلے اداریاں دی خدمات قابلِ ستائش ہن، دہشت گردی دے مکمل خاتمے کیتے پوری قوم آپݨی سکیورٹی فورسز دے نال کھڑی اے۔ سپیکر قومی اسمبلی دہشت گردی دے خلاف جاری آپریشنز دی کامیابی کیتے نیک تمناواں دا اظہار کیتا اتے آکھیا جو پاکستان دے امن کوں سبوتاژ کرݨ آلے عناصر آپݨے مذموم مقاصد اچ کݙاہیں کامیاب نہ تھیسن۔ سپیکر سردار ایاز صادق دہشت گردی دے ناسور دے مکمل خاتمے کیتے قومی عزم دا اعادہ کیتا۔