وزیراعظم دا جنوبی وزیرستان تے دیر اچ فتنہ الخوارج دے 10 دہشت گرداں کوں ہلاک کرݨ تے سکیورٹی فورسز کوں خراجِ تحسین

مکہ مکرمہ۔ 7 اگست (اے پی پی) وزیراعظم محمد شہباز شریف جنوبی وزیرستان تے ضلع دیر اچ بھارتی سرپرستی اچ سرگرم فتنہ الخوارج دے 10 دہشت گرداں کوں ہلاک کرݨ تے سکیورٹی فورسز کوں خراجِ تحسین پیش کیتے۔ جمعے کوں پی ایم آفس دے میڈیا ونگ توں جاری بیان دے مطابق وزیراعظم آکھیا جو قوم سکیورٹی فورسز دے بہادر جواناں دی پیشہ ورانہ صلاحیت، جرأت تے قربانیاں تے فخر کریندی اے، بھارتی سرپرستی اچ دہشت گردی کھنڈاوݨ آلے عناصر دے ناپاک عزائم کوں ہر قیمت تے ناکام بݨایا ویسے۔ وزیراعظم آکھیا جو آپریشن ’’عزمِ استحکام‘‘ دے تحت دہشت گردی دے مکمل خاتمے تک دہشت گرداں دے خلاف کارروائیاں بھرپور عزم دے نال جاری رہسن، حکومت تے پوری قوم دہشت گردی دے خلاف جنگ اچ آپݨی سکیورٹی فورسز دے نال کھڑی اے۔