مکہ المکرمہ۔ 7 اگست (اے پی پی) پاکستان، سعودی عرب تے ترکیہ مکہ المکرمہ مشترکہ دفاعی معاہدے تے دستخط کرݙتن جیڑھا ترائی ملکاں دے ایں مشترکہ عزم کوں ظاہر کریندے جو او آپݨی اجتماعی سلامتی کوں مزید تکڑا بݨیسن تے خطے سودھے عالمی سطح تے امن، سلامتی تے استحکام دے ودھارے کیتے رل تے کم کرسن تاں جو ہک محفوظ تے خوشحال مستقبل دی بنیاد رکھی ونڄ سڳے۔معاہدے تے دستخط …
سعودی عرب، ترکیہ تے پاکستان مکہ مشترکہ دفاعی معاہدے تے دستخط کرݙتن
مزید خبراں
مکہ المکرمہ۔ 7 اگست (اے پی پی) پاکستان، سعودی عرب تے ترکیہ مکہ المکرمہ مشترکہ دفاعی معاہدے تے دستخط کرݙتن جیڑھا ترائی ملکاں دے ایں مشترکہ عزم کوں ظاہر کریندے جو او آپݨی اجتماعی سلامتی کوں مزید تکڑا بݨیسن تے خطے سودھے عالمی سطح تے امن، سلامتی تے استحکام دے ودھارے کیتے رل تے کم کرسن تاں جو ہک محفوظ تے خوشحال مستقبل دی بنیاد رکھی ونڄ سڳے۔معاہدے تے دستخط قصر الصفا اچ منعقدہ مکہ المکرمہ مشترکہ دفاعی سربراہی اجلاس دے موقع تے کیتے ڳئن۔ دفترِ خارجہ توں جاری اعلامیہ موجب خادم الحرمین الشریفین شاہ سلمان بن عبدالعزیز آلِ سعود دی دعوت تے ترکیہ دے صدر رجب طیب اردوان تے وزیراعظم محمد شہباز شریف سعودی عرب دا دورہ کیتا۔سعودی عرب دے ولی عہد تے وزیراعظم شہزادہ محمد بن سلمان بن عبدالعزیز آلِ سعود مکہ مکرمہ دے قصر الصفا اچ ترکیہ دے صدر تے پاکستان دے وزیرِاعظم دا استقبال کیتا۔ اجلاس اچ سعودی عرب، ترکیہ تے پاکستان وچال تعلقات دا جائزہ گھدا ڳئے جݙاں جو سانجھی دلچسپی دے ٻہوں سارے امور تے وی ڳالھ مہاڑ کیتی ڳئی ۔ ترائی ملکاں وچال پراݨے تاریخی تعلقات، اخوت تے اسلامی یکجہتی دے تکڑے رشتیں، مشترکہ تزویراتی مفادات تے طویل عرصے توں جاری دفاعی تعاون کوں سامݨے رکھیندے سعودی عرب دے ولی عہد تے وزیراعظم شہزادہ محمد بن سلمان بن عبدالعزیز آلِ سعود، ترکیہ دے صدر رجب طیب اردوان تے پاکستان دے وزیرِاعظم محمد شہباز شریف مکہ مشترکہ دفاعی معاہدے تے دستخط کیتن۔اے معاہدہ ترائی ملکاں دے ایں مشترکہ عزم دا مظہر اے جو او اپݨی اجتماعی سلامتی کوں مزید تکڑا بݨیسن تے خطے سودھے عالمی سطح تے امن، سلامتی تے استحکام دے ودھارے کیتے رل تے کم کریسن تاں جو ہک محفوظ تے خوشحال مستقبل دی بنیاد رکھی ونڄ سڳے۔ ایں معاہدے دا مقصد کہیں وی جارحیت دے خلاف مشترکہ دفاعی صلاحیت تے اجتماعی طاقت کوں تکڑا بݨاوݨ اے۔ معاہدے موجب ترائی ملکاں وچوں کہیں ہک تے تھیوݨ آلا کوئی وی مسلح حملہ، ترائی ملکاں تے حملہ تصور کیتا ویسے۔ معاہدے اچ اے وی طے پاتے جو ترائی ملکاں وچال دفاعی تعاون دے سارے شعبیں کوں مزید ودھارا ݙتا ویسے۔
