اسلام آباد۔ 7 اگست(اے پی پی)وفاقی وزیر برائے منصوبہ بندی، ترقی اتے خصوصی اقدامات پروفیسر احسن اقبال ہدایت کیتی اے جو سارے متعلقہ ادارے باہمی رابطہ ٻیا موثر ٻݨاون اتے پیشگی حفاظتی تے رسپانس اقدامات تے فوری عملدرآمد کیتا ونڄے۔ این ڈی ایم اے توں جاری بیان دے مطابق وزیراعظم دی ہدایت تے نیشنل ڈیزاسٹر مینجمنٹ اتھارٹی (این ڈی ایم اے) اچ ایمرجنسی رسپانس کمیٹی دا 12 واں اجلاس تھئے …
سارے ادارے باہمی رابطے ٻئے موثر ٻݨاون، پیشگی حفاظتی اتے رسپانس اقدامات تے فوری عملدرآمد کیتا ونڄے، وفاقی وزیر احسن اقبال
اسلام آباد۔ 7 اگست(اے پی پی)وفاقی وزیر برائے منصوبہ بندی، ترقی اتے خصوصی اقدامات پروفیسر احسن اقبال ہدایت کیتی اے جو سارے متعلقہ ادارے باہمی رابطہ ٻیا موثر ٻݨاون اتے پیشگی حفاظتی تے رسپانس اقدامات تے فوری عملدرآمد کیتا ونڄے۔ این ڈی ایم اے توں جاری بیان دے مطابق وزیراعظم دی ہدایت تے نیشنل ڈیزاسٹر مینجمنٹ اتھارٹی (این ڈی ایم اے) اچ ایمرجنسی رسپانس کمیٹی دا 12 واں اجلاس تھئے جیندے اچ ملک بھر اچ ساوݨ دی صورتحال، دریاواں اچ پاݨی دے بہاؤ اتے ڈیماں دی صورتحال سودھا موسمیاتی پیش گوئی، تیاریاں اتے مربوط رسپانس دا جائزہ ڳھدا ڳیا۔ وفاقی وزیر برائے منصوبہ بندی، ترقی اتے خصوصی اقدامات پروفیسر احسن اقبال ویڈیو لنک تے اجلاس دی صدارت کیتی۔ اجلاس اچ وفاقی وزراء اتے چیئرمین این ڈی ایم اے سودھا پی ڈی ایم اے، محکمہ موسمیات اتے متعلقہ وفاقی اداریاں دے نمائندیاں شرکت کیتی۔ صوبائی حکام ریسکیو وسائل، ہنگامی ذخائر، انخلاء دے منصوبیاں، ضلعی انتظامیہ نال رابطیاں اتے متاثرہ اضلاع اچ تیاریاں دا ݙسایا، اجلاس اچ ویلھے سر وارننگز دے اجراء، امدادی وسائل دی پیشگی دستیابی، مواصلاتی نظام کوں بلا تعطل فعال رکھݨ اتے سارے رسپانس اداریاں دی مکمل تیاری یقینی ٻݨاوݨ تے زور ݙتا ڳیا۔ وفاقی وزیر احسن اقبال ہدایت کیتی جو سارے متعلقہ ادارے باہمی رابطہ مزید موثر بݨاون اتے پیشگی حفاظتی تے رسپانس اقدامات تے فوری عملدرآمد یقینی ٻݨایا ونڄے۔
