اسلام آباد۔ 7 اگست(اے پی پی)صدرِ مملکت آصف علی زرداری تاریخی مکہ مشترکہ دفاعی معاہدے تے دستخط دا خیرمقدم کریندے ایکوں خطے اتے ڄڳ کیتے امن، سلامتی اتے استحکام ودھاوݨ کیتے ہک اہم پیش رفت قرار ݙتے۔ جمعے کوں ایکس تے اپݨی پوسٹ اچ صدرِ مملکت آکھیا جو اے تاریخی معاہدہ مشترکہ دفاعی صلاحیت کوں مضبوط ٻݨیندے، دفاعی تعاون کوں ٻیا ڳھاٹا کریندے اتے تریے برادر ملکاں دے محفوظ اتے …
صدرِ مملکت آصف علی زرداری دا تاریخی مکہ مشترکہ دفاعی معاہدے تے دستخط دا خیرمقدم
اسلام آباد۔ 7 اگست(اے پی پی)صدرِ مملکت آصف علی زرداری تاریخی مکہ مشترکہ دفاعی معاہدے تے دستخط دا خیرمقدم کریندے ایکوں خطے اتے ڄڳ کیتے امن، سلامتی اتے استحکام ودھاوݨ کیتے ہک اہم پیش رفت قرار ݙتے۔ جمعے کوں ایکس تے اپݨی پوسٹ اچ صدرِ مملکت آکھیا جو اے تاریخی معاہدہ مشترکہ دفاعی صلاحیت کوں مضبوط ٻݨیندے، دفاعی تعاون کوں ٻیا ڳھاٹا کریندے اتے تریے برادر ملکاں دے محفوظ اتے خوشحال مستقبل کیتے مشترکہ عزم دی توثیق کریندے۔ صدرِ مملکت ایں اہم اقدام کوں اڳو تے ودھاوݨ کیتے وزیراعظم محمد شہباز شریف اتے چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر دے کردار دی تعریف کریندے آکھیے جو ایندے نال برادرانہ تعلقات اتے سٹریٹجک شراکت داری دے رشتے ٻئے مضبوط تھیسن، دعا اے جو اللہ تعالیٰ ایں تاریخی معاہدے کوں بابرکت ٻݨاوے اتے پوری امتِ مسلمہ کوں دائمی امن، سلامتی اتے خوشحالی عطا فرماوے۔
