نیویارک۔ 7 اگست(اے پی پی)اقوامِ متحدہ دی سلامتی کونسل دے اراکین 2 اگست کوں کبل اچ پولیس سٹیشن دے ٻاہرو خودکش حملے دی مذمت کیتی اے۔ ترجمان سلامتی کونسل آکھیا جو دہشتگرد حملے اچ ڳھٹ توں ڳھٹ 16 پاکستانی شہری شہید اتے درجناں زخمی تھئن، کالعدم تحریکِ طالبان پاکستان سوات حملے دی ذمہ داری قبول کیتی۔ سلامتی کونسل دے اراکین متاثرین دے اہلِخانہ، حکومتِ پاکستان اتے عوام نال ہمدردی اتے …
سلامتی کونسل دی سوات اچ دہشت گرد حملے دی مذمت
نیویارک۔ 7 اگست(اے پی پی)اقوامِ متحدہ دی سلامتی کونسل دے اراکین 2 اگست کوں کبل اچ پولیس سٹیشن دے ٻاہرو خودکش حملے دی مذمت کیتی اے۔ ترجمان سلامتی کونسل آکھیا جو دہشتگرد حملے اچ ڳھٹ توں ڳھٹ 16 پاکستانی شہری شہید اتے درجناں زخمی تھئن، کالعدم تحریکِ طالبان پاکستان سوات حملے دی ذمہ داری قبول کیتی۔ سلامتی کونسل دے اراکین متاثرین دے اہلِخانہ، حکومتِ پاکستان اتے عوام نال ہمدردی اتے تعزیت کریندن، زخمیاں دی تیکھے اتے مکمل صحت یابی کیتے نیک تمناواں پچیندن۔ ترجمان سلامتی کونسل آکھیا جو دہشت گردی بین الاقوامی امن اتے سلامتی کیتے سنگین ترین خطرات اچوں ہک اے۔ بیان اچ آکھیا ڳئے جو دہشت گردانہ کارروائیاں دی ذمہ دار، منصوبہ سازاں، مالی معاونین اتے سرپرستاں کوں قانون دے کٹہرے اچ ڳھن آیا ونڄے، سارے ملک بین الاقوامی قانون اتے سلامتی کونسل دیاں متعلقہ قرار داداں دے تحت اپݨیاں ذمہ داریاں دے مطابق ایں سانڳے اچ حکومتِ پاکستان نال تعاون کرن۔
