سکیورٹی فورسز دی بھارتی پراکسی، فتنہ الخوارج نال تعلق رکھݨ آلے خوارج دی موجودگی دی اطلاع تے ضلع ہنگو اچ انٹیلی جنس پر مبنی آپریشن، 7 خوارج جہنم واصل، آئی ایس پی آر

راولپنڈی۔ 8 اگست (اے پی پی) سکیورٹی فورسز بھارتی پراکسی، فتنہ الخوارج نال تعلق رکھݨ والے خوارج دی موجودگی دی اطلاع تے 7 اگست 2026ء کوں ضلع ہنگو اچ انٹیلی جنس تے مبنی آپریشن کیت ا۔ پاک فوج دے شعبہ تعلقاتِ عامہ (آئی ایس پی آر) ولوں ہفتے دے ݙینھ جاری پریس ریلیز دے مطابق آپریشن دے دوران، پاک فوج دے مسلح دستیاں خوارج دے مقام تے موثر طریقے نال وار کیتا۔ مایوسی دے عالم اچ خوارج عبادت گاہ دے تقدس کوں صریحاً نظر انداز کریندیں ہوئیں ہک مسجد دے اندر پناہ گھدی۔ فائرنگ دے تبادلے اچ بھارت ولوں فتنہ الخوارج نال تعلق رکھݨ آلے 7 خوارج کوں جہنم واصل کر ݙتا ڳیا، تاہم شدید فائرنگ دے تبادلے دے دوران ہک بہادر افسر کیپٹن حمزہ اکرم (عمر: 27 سال، ساکن ضلع نارووال) جو فرنٹ توں آپݨی فوج دی قیادت تے خوارج دا انتھک تعاقب کریندے پئے ہن، بہادری نال لڑدیں ہوئیں آپݨی جان دی قربانی ݙتی اتے شہادت کوں گل لا گھدا۔ آئی ایس پی آر آکھیا جو ماریے ڳئے خوارج توں اسلحہ تے گولہ بارود وی برآمد تھیے، خوارج سکیورٹی فورسز تے قانون نافذ کرݨ آلے اداریاں دے خلاف دہشت گردی دیاں متعدد کارروائیاں دے نال نال بے گناہ شہریاں دے قتل اچ وی سرگرم رہیے۔ علاقے اچ پاتے ونڄݨ آلے کہیں وی ٻئے بھارتی سپانسرڈ خارجی کوں ختم کرݨ کیتے سینیٹائزیشن آپریشن کیتا ویندا پئے۔