سپیکر قومی اسمبلی سردار ایاز صادق دی بیرسٹر گوہر نال والدہ دے انتقال تے تعزیت

اسلام آباد۔ 8 اگست (اے پی پی) سپیکر قومی اسمبلی سردار ایاز صادق ہفتے دے ݙینھ رکنِ قومی اسمبلی بیرسٹر گوہر علی خان دی والدہ دے انتقال تے ݙکھ تے افسوس دا اظہار کیتے۔ قومی اسمبلی سیکرٹریٹ توں جاری آپݨے تعزیتی سنیھے اچ سپیکر قومی اسمبلی بیرسٹر گوہر علی خان تے انھاں دے سوگوار خاندان نال دلی ہمدردی تے تعزیت دا اظہار کیتا۔ سردار ایاز صادق آکھیا جو ماں دا ونڄݨ ہک ناقابلِ تلافی نقصان تے کہیں وی خاندان کیتے گہرا صدمہ اے۔ انھاں آکھیا جو دنیا اچ ماں دی شفقت، محبت تے ݙیکھ بھال دا کوئی نعم البدل نئی تھی سڳدا۔ سپیکر سردار ایاز صادق آکھیا جو میں ایں اوکھی گھڑی اچ بیرسٹر گوہر علی خان تے انھاں دے اہل خانہ دے ݙکھ اچ برابر دا شریک ہاں۔ انھاں دعا کیتی جو اللہ تعالیٰ مرحومہ دی روح کوں جوارِ رحمت اچ ڄاہ ݙیوے اتے سوگوار خاندان کوں اے صدمہ برداشت کرݨ دا حوصلہ عطا فرماوے۔