اسلام آباد۔ 8 اگست (اے پی پی) چیئرمین سینیٹ سید یوسف رضا گیلانی مکہ مشترکہ دفاعی معاہدے تے دستخط دا خیرمقدم کریندیں ہوئیں ایں کوں علاقائی امن، اجتماعی سلامتی تے برادر ملکاں وچال مضبوط تعاون کیتے ہک اہم سنگِ میل قرار ݙتا۔ سینیٹ سیکرٹریٹ دے مطابق ہفتے دے ݙینھ آپݨے خیرمقدمی سنیھے اچ چیئرمین سینیٹ آکھیا جو اے معاہدہ امن، استحکام تے تزویراتی شراکت داری دے مشترکہ عزم دی عکاسی …
چیئرمین سینیٹ سید یوسف رضا گیلانی دا مکہ مشترکہ دفاعی معاہدے دا خیرمقدم
مزید خبراں
اسلام آباد۔ 8 اگست (اے پی پی) چیئرمین سینیٹ سید یوسف رضا گیلانی مکہ مشترکہ دفاعی معاہدے تے دستخط دا خیرمقدم کریندیں ہوئیں ایں کوں علاقائی امن، اجتماعی سلامتی تے برادر ملکاں وچال مضبوط تعاون کیتے ہک اہم سنگِ میل قرار ݙتا۔ سینیٹ سیکرٹریٹ دے مطابق ہفتے دے ݙینھ آپݨے خیرمقدمی سنیھے اچ چیئرمین سینیٹ آکھیا جو اے معاہدہ امن، استحکام تے تزویراتی شراکت داری دے مشترکہ عزم دی عکاسی کریندے اتے مسلم دنیا اچ اتحاد تے تعاون کوں ٻیا مضبوط کریسی۔ سید یوسف رضا گیلانی پاکستان دی سیاسی تے عسکری قیادت دی دور اندیشی تے سفارتی کوششاں تے زبردست خراجِ تحسین پیش کیتا اتے آکھیا جو انھاں دی لگن پاکستان دا عالمی مقام بلند کیتے اتے علاقائی تے بین الاقوامی امن دے فروغ کیتے پرعزم ہک ذمہ دار، امن پسند قوم دے طور تے پاکستان دے مثبت تشخص کوں ٻیا تقویت ݙتی اے۔ چیئرمین سینیٹ معاہدے دی کامیابی کیتے نیک خواہشاں دا اظہار کریندیں ہوئیں دعا کیتی جو اللہ تعالیٰ ایں تاریخی اقدام کوں قبول فرماوے اتے امتِ مسلمہ کوں دیرپا امن، سلامتی تے خوشحالی عطا فرماوے۔
