بیرونِ ملک مقیم پاکستانیاں دی ترسیلاتِ زر اچ سالانہ 13 فیصد اضافہ خوش آئند اے، وزیرِ اعظم شہباز شریف

اسلام آباد۔ 10 اگست (اے پی پی) وزیرِ اعظم محمد شہباز شریف جولائی 2026ء اچ بیرونِ ملک مقیم پاکستانیاں ولوں 3.6 ارب ڈالر ترسیلاتِ زر بھیڄݨ تے اطمینان کریندیں ہوئیں آکھیا جو سمندر پار پاکستانیاں ولوں سالانہ بنیاد تے 13 فیصد اضافی ترسیلاتِ زر موصول تھیاں جو نہایت خوش آئند اے۔ وزیرِ اعظم آفس دے میڈیا ونگ توں سنوار دے ݙینھ جاری بیان دے مطابق وزیرِ اعظم آکھیا جو جولائی 2026ء اچ سمندر پار پاکستانیاں ولوں ترسیلات اچ ماہانہ بنیاد تے وی 4.5 فیصد اضافہ تھیے۔ وزیرِ اعظم سمندر پار پاکستانیاں دی ملکی معیشت دے استحکام تے ترقی اچ تواتر نال مثبت کردار کوں لائقِ تحسین قرار ݙیندیں ہوئیں آکھیا جو سمندر پار پاکستانی اساݙے قومی معاشی دھارے دا بیش قدر جزو ہن۔