اسلام آباد۔ 10 اگست (اے پی پی):وزیرِ اعظم محمد شہباز شریف قازقستان نال کثیرالجہتی شراکت داری ٻئی تکڑی کرݨ دا عزم دوہریندے آکھیے جو پاکستان قازقستان نال علاقائی رابطیاں کوں ودھاوݨ، تجارتی رابطے اتے توانائی، تعلیم و عوامی رابطیاں سودھا مختلف شعبیاں اچ تعاون ٻیا ودھاوݨ چاہندے۔ وزیرِ اعظم محمد شہباز شریف نال قازقستان دے پاکستان اچ سفیر یرژان کستافین اپݨیاں سفارتی ذمہ داریاں مکمل تھیوݨ تے سنوار کوں وزیرِ …
پاکستان قازقستان نال مختلف شعبیاں اچ تعاون ٻیا ودھاوݨ چاہندے، وزیرِ اعظم شہباز شریف دی قازق سفیر نال ڳالھ مہاڑ
اسلام آباد۔ 10 اگست (اے پی پی):وزیرِ اعظم محمد شہباز شریف قازقستان نال کثیرالجہتی شراکت داری ٻئی تکڑی کرݨ دا عزم دوہریندے آکھیے جو پاکستان قازقستان نال علاقائی رابطیاں کوں ودھاوݨ، تجارتی رابطے اتے توانائی، تعلیم و عوامی رابطیاں سودھا مختلف شعبیاں اچ تعاون ٻیا ودھاوݨ چاہندے۔ وزیرِ اعظم محمد شہباز شریف نال قازقستان دے پاکستان اچ سفیر یرژان کستافین اپݨیاں سفارتی ذمہ داریاں مکمل تھیوݨ تے سنوار کوں وزیرِ اعظم ہاؤس اچ الوداعی ملاقات کیتی۔ وزیرِ اعظم آفس دے میڈیا ونگ ولوں جاری بیان دے مطابق ملاقات اچ نائب وزیرِ اعظم اتے وزیرِ خارجہ سینیٹر محمد اسحاق ڈار اتے معاونِ خصوصی طارق فاطمی وی موجود ہن۔ وزیرِ اعظم قازق سفیر دی انھاں دے دورِ سفارت اچ پاکستان اتے قازقستان وچال تاریخی دوستانہ تعلقات اتے باہمی تعاون ودھاوݨ کیتے خدمات دی تعریف کیتی۔ وزیرِ اعظم بالخصوص فروری 2026ء اچ قازقستان دے صدر قاسم جومارت توقایف دے دورہِ پاکستان کوں کامیاب ٻݨاوݨ کیتے سفیر دے کردار دی تعریف کیتی جیندے نال ݙوھائیں ملکاں دے باہمی تعلقات سٹریٹجک شراکت داری دی سطح تئیں پڄین۔ وزیرِ اعظم عزم دوہرایا جو پاکستان قازقستان نال کثیرالجہتی شراکت داری ودھاوݨ کیتے پرعزم اے جیندے کیتے علاقائی رابطے ودھاوݨ، تجارت، توانائی، تعلیم اتے عوامی سطح تے تعاون دی اہمیت تے ڳالھ کیتی۔
