اسلام آباد۔ 11 اگست (اے پی پی) نائب وزیرِاعظم تے وزیرِخارجہ محمد اسحاق ڈار ٻاہرلے ملک رہݨ آلے پاکستانیاں کوں پیش آندے مسئلیں دا جائزہ گھنݨ کیتے ہک اجلاس دی صدارت کیتی۔ وزارتِ خارجہ توں جاری بیان موجب اجلاس اچ نائب وزیرِاعظم تے وزیرِ خارجہ کوں حکومت دی طرفوں ہݨ تئیں کیتے ڳئے مختلف اقدامات دا ݙسایا ڳیا جو ٻاہرلےِ ملک پاکستانیاں دے ممتاز نمائندیں نال مشاورت دے بعد انھاں …
نائب وزیرِاعظم محمد اسحاق ڈار دی زیرِ صدارت ٻاہرلے ِ ملک رہݨ آلے پاکستانیاں کوں پیش آندے مسئلیں دا جائزہ گھنݨ کیتے اجلاس
مزید خبراں
اسلام آباد۔ 11 اگست (اے پی پی) نائب وزیرِاعظم تے وزیرِخارجہ محمد اسحاق ڈار ٻاہرلے ملک رہݨ آلے پاکستانیاں کوں پیش آندے مسئلیں دا جائزہ گھنݨ کیتے ہک اجلاس دی صدارت کیتی۔ وزارتِ خارجہ توں جاری بیان موجب اجلاس اچ نائب وزیرِاعظم تے وزیرِ خارجہ کوں حکومت دی طرفوں ہݨ تئیں کیتے ڳئے مختلف اقدامات دا ݙسایا ڳیا جو ٻاہرلےِ ملک پاکستانیاں دے ممتاز نمائندیں نال مشاورت دے بعد انھاں کوں پیش آندے مسئلیں دے حل کیتے چاتے ڳئن۔ انھاں کوں ٻاہرلے ملک پاکستانیاں دی سہولت کیتے شروع کیتے ڳئے نویں اقدامات دے بارے بریفنگ ݙتی ڳئی۔نائب وزیرِ اعظم تے وزیرِ خارجہ ایں ڳالھ تے زور ݙتا جو پاکستانی تارکینِ وطن ترسیلاتِ زر دے ذریعے ملکی معیشت اچ نمایاں کردار ادا کریندے پئن۔ انھاں ٻاہرلے ملک رہݨ آلے پاکستانیاں کوں مختلف خدمات ݙیوݨ کیتے ڈیجیٹل ٹیکنالوجیز دے استعمال کوں ودھارا ݙیوݨ تے زور ݙتا تاں جو انھاں کوں خدمات دے حصول کیتے ذاتی طور تے دفتراں اچ حاضر تھیوݨ دی لوڑھ پیش نہ آوے۔اجلاس اچ وفاقی وزیر اوورسیز پاکستانیز، وزیرِ مملکت اوورسیز پاکستانیز، چیئرمین وزیرِاعظم یوتھ پروگرام، وزیراعظم دے معاونِ خصوصی طارق باجوہ، سیکریٹری آئی پی سی تے ٻئے متعلقہ سٹیک ہولڈرز شرکت کیتی۔
