ساݙے نینگر پاکستان دی ترقی تے خوشحالی دے حقیقی محرک ہن، حکومت تعلیم، ہنر تے کاروبار دے شعبیں اچ موقعیں کوں وسعت ݙیوݨ کیتے پرعزم اے، وزیرِاعظم محمد شہباز شریف

اسلام آباد۔ 12 اگست (اے پی پی) وزیرِاعظم محمد شہباز شریف نینگراں کوں ملکی ترقی تے خوشحالی دا حقیقی محرک قرار ݙیندیں آکھیے جو حکومت تعلیم، ہنر تے کاروبار دے شعبیں اچ موقعیں کوں وسعت ݙیوݨ کیتے پرعزم اے۔ ایکس تے اپݨے پیغام اچ وزیرِاعظم آکھیا جو عالمی یومِ نینگر دے موقع تے اساں پاکستان دے نینگراں دی توانائی، صلاحیتیاں تے عزم کوں خراجِ تحسین پیش کریندوں۔ ساݙے نینگر پاکستان دی ترقی تے خوشحالی دے حقیقی محرک ہن جنھاں دی جدت، تخلیقی صلاحیت تے قیادت ساݙی قوم دے روشن مستقبل دی تشکیل کریندی پئی اے۔ انھاں آکھیا جو میݙی حکومت تعلیم، ہنرمندی تے کاروبار دے شعبیں اچ موقعیں کوں وسعت ݙیوݨ کیتے پرعزم اے تاں جو ہر پاکستانی نینگر کوں بااختیار بݨایا ونڄ سڳے تے او اپݨی بھرپور صلاحیتیاں کوں بروئے کار گھن آندیں ہوئیں اپݨے خواباں کوں حقیقت اچ بدل سڳے