ربیع الاول 1448 ہجری دا چندر ݙیکھݨ کیتے رویتِ ہلال کمیٹی دا اجلاس کل تھیسی

اسلام آباد۔ 12 اگست (اے پی پی) ربیع الاول 1448 ہجری دا چندر ݙیکھݨ کیتے رویتِ ہلال کمیٹی دا اجلاس کل (خمیس کوں) سݙ ڳھدا ڳئے۔ مرکزی رویتِ ہلال کمیٹی دے چیئرمین مولانا محمد عبدالخبیر آزاد اسلام آباد دی زونل رویتِ ہلال کمیٹی دے اجلاس دی صدارت کریسن۔وزارتِ مذہبی امور دے ترجمان موجب ملک اچ زونل تے ضلعی رویتِ ہلال کمیٹیاں دے اجلاس اپݨے اپݨے متعلقہ جہیں تے تھیسن۔ چندر دی رویت دے حوالے نال وزارتِ مذہبی امور اچ مرکزی کنٹرول روم بݨا ݙتا ڳئے جیندے اچ ربیع الاول 1448 ہجری دے چندر دی رویت دے حوالے نال ساری اطلاعات ݙتیاں ونڄ سڳسن۔ملک توں ملݨ آلی اطلاعات کوں سامݨے رکھیندیں رویتِ ہلال کمیٹی دے چیئرمین مولانا محمد عبدالخبیر آزاد ربیع الاول 1448 ہجری دے چندر دی رویت دا اعلان کریسن۔