اسلام آباد۔ 12 اگست(اے پی پی)صدرِ مملکت آصف علی زرداری ایوانِ صدر اچ پاکستان دے لیبیا کیتے نامزد سفیر میجر جنرل (ر) ممتاز حسین نال ملین اتے پاکستان تے لیبیا دے اعلیٰ سطح دے سیاسی رابطے ٻئے ودھاوݨ اتے اقتصادی، تجارتی و سرمایہ کاری تعاون تکڑا کرݨ دی ہدایتی کیتی۔ انہاں میجر جنرل (ر) ممتاز حسین کوں سفیر مقرر تھیوݨ تے مبارک ݙیندے آکھیا جو ݙوہاں ملکاں دی کاروباری برادری …
صدرِ مملکت آصف علی زرداری نال پاکستان دے لیبیا کیتے نامزد سفیر میجر جنرل (ر) ممتاز حسین دی ملاقات
مزید خبراں
اسلام آباد۔ 12 اگست(اے پی پی)صدرِ مملکت آصف علی زرداری ایوانِ صدر اچ پاکستان دے لیبیا کیتے نامزد سفیر میجر جنرل (ر) ممتاز حسین نال ملین اتے پاکستان تے لیبیا دے اعلیٰ سطح دے سیاسی رابطے ٻئے ودھاوݨ اتے اقتصادی، تجارتی و سرمایہ کاری تعاون تکڑا کرݨ دی ہدایتی کیتی۔ انہاں میجر جنرل (ر) ممتاز حسین کوں سفیر مقرر تھیوݨ تے مبارک ݙیندے آکھیا جو ݙوہاں ملکاں دی کاروباری برادری وچال رابطے ودھائے ونڄں، ایں سانڳے خصوصی سرمایہ کاری سہولت کونسل (ایس آئی ایف سی) دے تحت پاکستان اچ موجود سرمایہ کاری دے موقعیاں توں فیدہ چاوݨ دی لوڑھ اے۔ انھاں نامزد سفیر کوں ہدایت کیتی جو لیبیا اچ پاکستانی کمیونٹی دی فلاح و بہبود کوں ترجیح ݙتی ونڄے۔ میجر جنرل (ر) ممتاز حسین آکھیا جو بطور سفیر انھاں دی ترجیح لیبیا اچ پاکستانی کمیونٹی دے معاملیاں دی بہتری اتے ݙوہاں ملکاں وچال ݙو طرفہ تجارت ودھاوݨ توجہ ہوسی۔
