اٹلی دے نامزد سفیر یوگو چیئرلاتانی، کوریا دے نامزد سفیر ہان سنگ ہو صدرِ مملکت آصف علی زرداری کوں سفارتی اسناد پیش کر ݙتن

اسلام آباد۔ 12 اگست (اے پی پی)صدرِ مملکت آصف علی زرداری کوں ایوانِ صدر اسلام آباد اچ اچ اٹلی دے نامزد سفیر یوگو چیئرلاتانی اتے کوریا دے نامزد سفیر ہان سنگ ہو اپݨیاں سفارتی اسناد پیش کیتن۔ نامزد سفیر یوگو چیئرلاتانی نال الیندے صدرِ مملکت آکھیا جو انھاں دی سفارتی مدت پاکستان اتے اٹلی دے تعلقات ٻئے ودھاوݨ کیتے اہم ثابت تھیسی۔ صدرِ مملکت سفارتی پاسپورٹ رکھݨ والے افراد کیتے ویزا شرطاں دے خاتمے دے معاہدے تے دستخط دا وی خیرمقدم کیتا۔ ٻئے پاسو کوریا دے نامزد سفیر ہان سنگ ہو وی صدر مملکت نال ملین اتے اپݨیاں سفارتی اسناد پیش کیتن۔ صدرِ مملکت موسمیاتی تبدیلی، ترقی اتے دفاع دے شعبیاں اچ تعاون تے کورای دا شکریہ ادا کریندے ݙوہیں ملکاں وچال جہاز سازی، ٹیکنالوجی اتے اقتصادی ترقی سودھا مختلف شعبیاں اچ تعاون ودھݨ دی امید کیتی۔ ایں موقع تے سینیٹر سلیم مانڈوی والا اتے سیکریٹری خارجہ وی موجود ہن۔