اسلام آباد۔ 13 اگست (اے پی پی) وفاقی وزیرِ خزانہ و محصولات سینیٹر محمد اورنگزیب نال چیئرپرسن پاکستان ڈیجیٹل اتھارٹی ڈاکٹر سہیل منیرملاقات کیتی، جیندے اچ ڈیجیٹل تبدیلی، ڈیجیٹل فنانس، مالیاتی سہولتاں تئیں رسائی بہتر بݨاوݨ تے معاشی سرگرمیاں اچ ٹیکنالوجی دے موثر استعمال دے اقدامات تے ڳالھ مہاڑ کیتی۔وزارتِ خزانہ توں جاری بیان موجب ملاقات اچ وزیرِخزانہ ایں ڳالھ تے زور ݙتا جو موجودہ قانونی تے پالیسی فریم …
وفاقی وزیرِ خزانہ نال چیئرپرسن پاکستان ڈیجیٹل اتھارٹی دی ملاقات
اسلام آباد۔ 13 اگست (اے پی پی) وفاقی وزیرِ خزانہ و محصولات سینیٹر محمد اورنگزیب نال چیئرپرسن پاکستان ڈیجیٹل اتھارٹی ڈاکٹر سہیل منیرملاقات کیتی، جیندے اچ ڈیجیٹل تبدیلی، ڈیجیٹل فنانس، مالیاتی سہولتاں تئیں رسائی بہتر بݨاوݨ تے معاشی سرگرمیاں اچ ٹیکنالوجی دے موثر استعمال دے اقدامات تے ڳالھ مہاڑ کیتی۔وزارتِ خزانہ توں جاری بیان موجب ملاقات اچ وزیرِخزانہ ایں ڳالھ تے زور ݙتا جو موجودہ قانونی تے پالیسی فریم ورک کوں ڈیجیٹل ٹیکنالوجی اچ تھیوݨ آلی تکھی رفتار پیش رفت تے کاروباری ماڈلز اچ رونما تھیوݨ آلیاں تبدیلیاں نال ہم آہنگ کیتا ونڄے۔ ملاقات اچ ڈیجیٹل پلیٹ فارمز دے ودھ توں ودھ استعمال تے موثر طریقہِ کار دے ذریعے مالیاتی سہولتاں تئیں رسائی بہتر بݨاوݨ دے موقعیں دا جائزہ ڳھدا ڳیا۔وزیرِ خزانہ صارفین دی آن بورڈنگ دے عمل کوں سوکھا بݨاوݨ، ڈیٹا شیئرنگ دے نظام کوں مضبوط کرݨ تے مالیاتی ڈیٹا دی سانجھی مطابقت بہتر بݨاوݨ دی اہمیت کوں اجاگر کیتا جیندے اچ بینکاں تے کیپیٹل مارکیٹ وچال زیادہ موثر انضمام وی شامل اے۔ وزیرِ خزانہ پالیسی سازی، منصوبہ بندی تے فیصلہ سازی کیتے باہم مربوط ڈیٹا دی اہمیت کوں اجاگر کریندیں ٹیکنالوجی تے مصنوعی ذہانت (اے آئی) دے زیادہ موثر استعمال تے زور ݙتا۔اجلاس اچ ڈیجیٹل انفراسٹرکچر کوں مزید مضبوط بݨاوݨ دے امکانات وی زیرِ بحث آئے تاں جو عوامی تے مالیاتی خدمات ݙیوݨ کوں زیادہ موثر بݨایا ونڄ سڳے۔ وزیرِ خزانہ ایں ڳالھ تے زور ݙتا جو ڈیجیٹل اقدامات عملی، قابلِ توسیع تے ملک دی وسيع ڈیجیٹل تبدیلی دے مقصد نال ہم آہنگ ہووݨے چاہیدن۔ سینیٹر محمد اورنگزیب تے چیئرپرسن پاکستان ڈیجیٹل اتھارٹی ڈیجیٹل اثاثیں تے ٹوکنائزیشن دے امور تے وی ڳالھ کیتی جنھاں اچ رئیل اسٹیٹ تے ٻئے سرمایہ کاری دے اثاثیں اچ ممکنہ استعمال شامل اے۔ وزیرِ خزانہ ڈیجیٹل اقدامات کوں اڳوں ودھاوݨ، کارکردگی اچ بہتری تے پاکستان دی ڈیجیٹل معیشت دی مسلسل ترقی کیتے سارے متعلقہ سٹیک ہولڈرز دے نال موثر تے مسلسل رابطہ کاری دی اہمیت تے وی زور ݙتا
